Post News Media ព័ត៌មានបច្ចេកវិទ្យា OnePlus 5T ប្...

OnePlus 5T ប្រើ RAM ទំហំដល់ទៅ ៨ GB បើកឱ្យកម្ម៉ង់ទិញថ្ងៃស្អែក

ចែកចាយបន្ត

ស្មាតហ្វូនលំដាប់កំពូលរបស់ក្រុមហ៊ុន OnePlus ពណ៌ស ឬ Sandstone បំពាក់ RAM ទំហំដល់ទៅ ៨ ជីហ្គាបៃយ៍ និងមេម៉ូរីជាប់ម៉ាស៊ីនទំហំ ១២៨ ជីហ្គាបៃយ៍ នឹងចាប់បើកឱ្យអតិថិជនកម្ម៉ង់ទិញចាប់ពីថ្ងៃទី ០៩ មករា (នៅបរទេស) ស្អែកនេះ ជាមួយតម្លៃ ៥៥៩ ដុល្លារ។

ជម្រើសទូរសព្ទពណ៌សថ្មីរបស់ក្រុមហ៊ុនចិន ដែលទើបបើកបង្ហាញចេញកាលពីថ្ងៃទី ៥ មួយម៉ូឌែលនេះ បំពាក់អេក្រង់ AMOLED ខ្នាត Full HD ទំហំ ៦.០១ អ៊ីញ មានមាត្រដ្ឋាន 18:9 Ratio ហើយវាប្រតិបត្តិដោយបន្ទះឈីប Snapdragon 835 ជំនាន់ Octa-core ល្បឿន ២.៤៥ GHz និងមានជម្រើស RAM ទំហំ ៦/៦៤ និង ៨/១២៨ ជីហ្គាបៃយ៍។

ក្រៅពីនេះ កាមេរ៉ាមុខ/ក្រោយភ្លោះរបស់វាមានទំហំ ១៦/១៦-២០ មេហ្គាភិចសែល ភ្ជាប់មកជាមួយមុខងារដោះសោដោយប្រើផ្ទៃមុខ និងបន្ទះស្គេនក្រយៅដៃមួយនៅខាងក្រោយ ឋិតនៅពីក្រោមកាមេរ៉ា និងប្រើថ្មថាមពល ៣៣០០ មីល្លីអំព៊ែរ បំពាក់បច្ចេកវិទ្យាសាកថ្មរហ័ស Dash Charge ដែលអាចសាកបំពេញដល់ ៥០% ដោយប្រើពេលត្រឹម ៣០ នាទី៕

ប្រភពព័ត៌មាន: GSM Arena

ចែកចាយបន្ត