Post News Media ព័ត៌មានបច្ចេកវិទ្យា ទីបំផុត Vivo ...

ទីបំផុត Vivo នាំមុខ Samsung នាំយកស្មាតហ្វូនស្កេនម្រាមដៃលើអេក្រង់មកកាន់ពិភពលោកមុនគេ!

ចែកចាយបន្ត

ដូចតាមការសន្យា ក្រុមហ៊ុនផលិតស្មាតហ្វូនរបស់ចិន Vivo បានប្រកាសចេញស្មាតហ្វូនបំពាក់បន្ទះស្កេនម្រាម​ដៃលើអេក្រង់ដែលពិភពលោកកំពុងរង់ចាំ ជាផ្លូវការ នៅឯពិព័រណ៌ CES 2018 ដែលកំពុងប្រព្រឹត្តិឡើងនាទីក្រុង Las Vegas សហរដ្ឋអាមេរិក។

របាយការណ៍ថ្មី! ស្មាតហ្វូនបំពាក់បន្ទះស្កេនក្រយៅដៃក្រោមអេក្រង់មុនគេ នឹងមិនមែនជា Samsung តែជា Vivo…

យោងតាមសេចក្តីប្រកាសព័ត៌មានរបស់ក្រុមហ៊ុន បន្ទះស្គេនម្រាមដៃប្រើប្រាស់បច្ចេកវិទ្យាថ្មី ដំបូងបង្អស់របស់ពិភពលោកនេះ គឺត្រូវបានក្រាលលើអេក្រង់ស្មាតហ្វូនដែលគ្មានស៊ុម ហើយវាមានតួនាទីសម្រាប់ផ្ទៀងផ្ទាត់ស្នាមក្រយៅដៃអ្នកប្រើប្រាស់ ដើម្បីដោះសោអេក្រង់ចូលទៅកាន់កម្មវិធីទូរសព្ទខាងក្នុង ទូទាត់ការចំណាយ និងប្រតិបត្តិការផ្សេងៗ។ល។

ទោះយ៉ាងណា ក្រុមហ៊ុននៅមិនទាន់បានប្រាប់ឱ្យដឹងថា តើស្មាតហ្វូនម៉ូឌែលអ្វីដែលបំពាក់បន្ទះស្កេនដ៏ទំនើបនេះនៅឡើយទេ ហើយសូម្បីតែលក្ខណ:សម្បត្តិរបស់វា។ ក្រុមហ៊ុនគ្រាន់តែបញ្ជាក់ថា ខ្លួនគឺបានត្រៀមខ្លួនរួចជាស្រេចក្នុងការផលិតទូរសព្ទបំពាក់បន្ទះស្គេនថ្មីនេះក្នុងទ្រង់ទ្រាយធំ​ ហើយសម្រាប់កាលបរិច្ឆេទនៃវត្តមានរបស់វាលើទីផ្សារនឹងប្រកាសពេលក្រោយ នាអំឡុងដើមឆ្នាំ ២០១៨៕

បែកធ្លាយ Vivo Xplay 7 បំពាក់អេក្រង់ពេញផ្ទៃ 100% និងបង្កប់បន្ទះស្គេនខាងក្រោម

 

ចែកចាយបន្ត