Post News Media ព័ត៌មានបច្ចេកវិទ្យា លទ្ធផលពិសោធ: ...

លទ្ធផលពិសោធ: iPhone 6 យឺតជាងមុនខ្លាំង ក្រោយកែឡើង iOS 11.2.2

ចែកចាយបន្ត

នៅប៉ុន្មានថ្ងៃមុននេះ Apple បានដាក់ចេញនូវកំណែថ្មីមួយទៀត iOS 11.2.2 ដើម្បីការពារប្រព័ន្ធកម្មវិធីរបស់ខ្លួនពីមេរោគ Meltdown និង​ Spectre ហើយណែនាំឱ្យអ្នកប្រើប្រាស់ iPhone និង iPad គ្រប់រូបឱ្យធ្វើការកែឡើង។

ទាក់ទងកំណែថ្មីនេះ បុរសម្នាក់មានឈ្មោះថា Melvin Mughal បានធ្វើការសាកល្បងទៅលើល្បឿនដំណើរការទូរសព្ទ iPhone 6 របស់ខ្លួន ដែលដើរដោយ iOS 11.1.2 ធៀបទៅនឹង iOS 11.2.2។

លទ្ធផលបានបង្ហាញថា បន្ទាប់ពីកែឡើងរួច ដោយពុំទាន់បញ្ចូលកម្មវិធីអ្វីទាំងអស់ Benchmark នៃ Core CPU ទូរសព្ទរបស់គេ មានល្បឿនធ្លាក់ចុះសរុបរហូតដល់ ៣៩% ហើយបើគិតល្បឿន Core តែមួយ គឺយឺតជាងមុន ៤១%។

លោក Melvin គូសបញ្ជាក់ថា​ ការថមថយនៃល្បឿនដំណើរការនេះ អាចដោយសារតែការកាត់បន្ថយសមត្ថភាព CPU ដើម្បីការពារបញ្ហារលត់របស់ទូរសព្ទដោយសារថាមពលថ្មចុះខ្សោយ ដែល Apple ទើបតែប្រកាសទទួលស្គាល់​ថ្មីៗនេះ៕

ទាក់ទងទៅនឹងលទ្ធផលនេះ តើប្រិយមិត្តដែលកំពុងប្រើប្រាស់​ iPhone 6 ឬក៏ម៉ូឌែលខ្ពស់ជាងនេះ និងដែលបានកែឡើង iOS 11.2.2 ជួបបញ្ហាយឺតដែរឬអត់? សូមជួយចែករំលែកបទពិសោធទៅអ្នកប្រើប្រាស់ដទៃផ្សេងទៀតផង!

ប្រភពព័ត៌មាន: Melv1n.com

 

ចែកចាយបន្ត