ចិន៖ ក្រុមហ៊ុន Huawei Technologies Co Ltd បានដាក់ពាក្យបណ្ដឹងបន្ថែមទៀតទៅកាន់តុលាការចិន ប្រឆាំងក្រុមហ៊ុន Samsung ពាក់ព័ន្ធករណីរំលោភកម្មសិទ្ធិប៉ាតង់ស្មាតហ្វូន ដែលនេះឆាកប្រយុទ្ធដ៏ធំមួយរវាងក្រុមហ៊ុនបច្ចេកវិទ្យាយក្សអាស៊ីទាំងពីរ។
អ្នកនាំពាក្យរបស់តុលាការចិន លោក Wang Zhiwei បានថ្លែងប្រាប់សារព័ត៌មាន Reuters ថា តុលាការបានទទួលយកពាក្យបណ្ដឹងថ្មីនោះហើយ ប៉ុន្តែអ្នកនាំពាក្យរូបនេះ មិនព្រមទម្លាយឲ្យដឹងថា នៅក្នុងពាក្យបណ្ដឹងនោះ Huawei ប្ដឹង Samsung រឿងរំលោភសិទ្ធិប៉ាតង់អ្វីខ្លះទេ។
នៅខែឧសភាកន្លងទៅនេះ ក្រុមហ៊ុន Huawei បានប្ដឹង Samsung ទៅកាន់តុលាការអាមេរិក និងចិន ព្រមទាំងទារសំណងថែមទៀតផង ដោយនៅក្នុងពាក្យបណ្ដឹងបានចោទថា Samsung បានប្រើប្រាស់បច្ចេកវិទ្យា 4G និងបច្ចេកវិទ្យាមួយចំនួនទៀតរបស់ខ្លួន ដោយពុំមានការអនុវត្ត ឬសុំកម្មសិទ្ធិបញ្ញា៕
