Post News Media ព័ត៌មានបច្ចេកវិទ្យា Facebook បង្ហ...

Facebook បង្ហាញមហិច្ឆតា ចង់ផ្ដល់អ៊ីនធើណែត Free ដល់ពលរដ្ឋអាមេរិក

ចែកចាយបន្ត

អាមេរិក: កាសែត The Washington Post បានចុះផ្សាយថា លោក Mark Zuckerberg មេធំរបស់ Facebook បាននឹងកំពុងតែពិភាក្សាជាមួយរដ្ឋាភិបាលអាមេរិក ក្នុងការដេញថ្លៃផ្ដល់នូវសេវាកម្មអ៊ីនធើណែត ដោយឥតគិតថ្លៃដល់ប្រជាពលដ្ឋអាមេរិក។

ដោយផ្អែកលើការចុះផ្សាយរបស់កាសែតខាងលើ គឺ Facebook មានគោលបំណងចង់​ផ្ដល់​អ៊ីនធើណែត​ឥតគិតថ្លៃដល់គ្រួសារដែលមានប្រាក់ចំណូលទាប ជាពិសេសគឺនៅតាមជនបទ ឬទីកន្លែង​ដែល​ពុំមាន​អ៊ីនធើណែតល្បឿនលឿន នៅតាមផ្ទះ ឬនៅលើស្មាតហ្វូន។ Facebook បានកំណត់ច្បាស់ណាស់​ទៅ​លើគម្រោងផ្ដល់អ៊ីនធើណែតឥតគិតថ្លៃនេះ ដោយក្នុងនោះ Facebook បានកំណត់ និងអនុញ្ញាតឲ្យ​បើក​តែវេបសាយទាក់ទងនឹងព័ត៌មាន សុខាភិបាល និងការងារ។ ជាមួយគ្នានោះផងដែរ គឺ Facebook នឹង​សហការជាមួយក្រុមហ៊ុនផ្ដល់សេវកម្ម Wireless នៅក្នុងតំបន់តែម្ដង ដើម្បីឲ្យកាន់តែងាយស្រួល​ក្នុង​ការ​ផ្ដល់សេវាកម្ម​អ៊ីនធើណែត Free នេះ។

គួរបញ្ជាក់ផងដែរថា លោក​ Mark Zuckerberg ត្រូវបានគេមើលឃើញថា បានយកចិត្តទុកដាក់ខ្លាំង​ទៅ​លើការផ្ដល់សេវាកម្មអ៊ីនធើណែត ជាពិសេសគឺនៅតាមតំបន់ដែល​ពុំមានអ៊ីនធើណែតប្រើប្រាស់ ដោយ​កាលពីប៉ុន្មានខែមុននេះ យន្តហោះអ៊ីនធើណែតរបស់ Facebook ត្រូវបាន​សាកល្បង និងបង្ហោះដោយ​ជោគជ័យ៕

facebook-free-internet

ចែកចាយបន្ត