Post News Media ព័ត៌មានបច្ចេកវិទ្យា ៤០ភាគរយនៃអ្នក...

៤០ភាគរយនៃអ្នកប្រើ Samsung បានអះអាងថា ពួកគេនឹងមិនប្រើ Samsung ទៀតឡើយ

ចែកចាយបន្ត

អាមេរិក: អតិថិជនប្រើប្រាស់ស្មាតហ្វូន Samsung ប្រមាណ ៤០ភាគរយ បានអះអាងថា ចាប់ពីពេល​នេះតទៅ ពួកគេនឹងមិនប្រើប្រាស់ស្មាតហ្វូនរបស់ក្រុមហ៊ុន Samsung ដាច់ខាត ទោះជា​ល្បី ឬល្អយ៉ាង​ណាក៏ដោយ។

យោងតាមការស្ទង់មតិទៅលើអតិថិជន​ Samsung នៅអាមេរិក ចន្លោះថ្ងៃទី១១ និង១២ ខែតុលា ទៅលើ​មនុស្ស ១,០២០នាក់ បានរកឃើញថា ៤០ភាគរយនៃមនុស្សទាំងនេះ បានបញ្ជាក់ និង​អះអាង​ថា ពួកគេនឹងមិនទិញ Samsung ប្រើតទៅទៀតនោះទេ មិនថា brand ណាក៏ដោយ។ ចំណែក ៨ភាគរយ​នៃមនុស្សទាំងនេះ បាននិយាយថា ពួកគេប្រហែលជាប្ដូរទៅប្រើស្មាតហ្វូនថ្មីរបស់ Google។

គួរបញ្ជាក់ផងដែរថា Samsung បានជួបរឿងអាក្រក់ផ្ទួនៗទៅលើ Galaxy Note 7 រហូតដល់ពេលនេះ ប្រកាសផ្អាកផលិត ផ្អាកលក់ និង​ផ្អាកប្រើ ហើយបើតាមព័ត៌មាន​បញ្ជាក់បន្ថែម គឺ Samsung ទំនងជា​រំលាយស្លាកសញ្ញា Note ចោលតែម្ដង ខណ:ដែល​មេធំ Samsung បានចេញមុខសុំអភ័យទោស​ជា​សាធារណ:ទៅលើបញ្ហានេះ៕

samsung-note-7

ប្រភព៖ BGR