Post News Media ព័ត៌មានបច្ចេកវិទ្យា អាមេរិក ហាមឃា...

អាមេរិក ហាមឃាត់ការនាំយក Galaxy Note 7 តាមជើងហោះហើរ

ចែកចាយបន្ត

អាមេរិក: ចង់បិទ ឬបើកមិនសំខាន់នោះទេ ព្រោះថានៅពេលនេះ រដ្ឋបាលសហព័ន្ធអាកាស​ចរណ៍អាមេរិក បានចេញសេចក្ដីប្រកាសជាផ្លូវការ ហាមឃាត់ការនាំយក Galaxy Note 7 នៅ​ពេល​ធ្វើដំណើរតាមយន្តហោះ។

អាជ្ញាធរអាមេរិក បានចេញសេចក្ដីប្រកាសដូចនេះគឺដើម្បី​​សុវត្ថិភាព និងសន្ដិសុខសាធរណ: ព្រោះថា កន្លងមក ក្រោយពេល Samsung ប្ដូរ Galaxy Note 7 ថ្មី ដល់​អតិថិជនឲ្យនោះ នៅ​កើត​មានករណីផ្ទុះឆេះនៅលើយន្តហោះដដែល។

បន្ទាប់ពីកើតមានករណីផ្ទុះឆេះ Samsung Galaxy Note 7 នៅលើយន្តហោះដឹកអ្នកដំណើរ​អាមេរិក និងនៅតៃវ៉ាន់មក ក្រុមហ៊ុន Samsung បានចេញសេចក្ដីប្រកាសផ្អាកផលិត ផ្អាកលក់ និងផ្អាកប្រើ ព្រោះខ្លាចមានករណីផ្ទុះឆេះបន្តទៀត។

គួរបញ្ជាក់ផងដែរថា កាលពីដើមខែកញ្ញា​ Galaxy Note 7 បានកើតមានករណីផ្ទុះឆេះ​ ខណ:​ពេលកំពុងសាកថ្ម រហូតដល់ក្រុមហ៊ុន Samsung ចេញសេចក្ដីប្រកាសប្រមូលស្មាតហ្វូននេះ មកវិញទាំងអស់ និងបានប្ដូរថ្មីឲ្យអតិថិជន ប៉ុន្តែ​ក្រោយពីប្ដូររួចក៏នៅតែមានករណីផ្ទុះឆេះ​ដដែល៕

104020895-gettyimages-611926354-530x298