Post News Media ព័ត៌មានបច្ចេកវិទ្យា មេធំ Microsof...

មេធំ Microsoft ប្រចាំអាស៊ី-ប៉ាស៊ីហ្វិក អះអាងថា ស្មាតហ្វូនថ្មី Nokia នឹងបង្ហាញខ្លួននៅចុងឆ្នាំនេះ

ចែកចាយបន្ត

អាមេរិក: នាយកប្រតិបត្តិក្រុមហ៊ុន Microsoft ប្រចាំតំបន់​អាស៊ី-ប៉ាស៊ីហ្វិក លោក James Rutherfoord បាន​បញ្ជាក់ឲ្យដឹងថា ក្រុមហ៊ុន Nokia បានត្រៀមស្មាតហ្វូន​ថ្មី ជាច្រើនម៉ូដែល សម្រាប់ចេញលក់នៅចុងឆ្នាំនេះ និង​នៅដើមឆ្នាំ២០១៧។

សារព័ត៌មានវៀតណាម បានស្រង់សំដីលោក James Rutherfoord ថា ស្មាតហ្វូនថ្មី ចំនួន ២ម៉ូដែល​របស់​ក្រុមហ៊ុន Nokia នឹងបង្ហាញខ្លួននៅចុងឆ្នាំនេះ។ ការអះអាងថា ត្រូវបានលោក Rutherfoord បញ្ជាក់ឲ្យ​ដឹង​ទៀតថា HMD បានសហការជាមួយក្រុមហ៊ុន Nokia ក្នុងការផលិតស្មាតហ្វូន ហើយរោងចក្រមួយនៅក្នុង​ប្រទេសវៀតណាម ដែលជាបុត្រសម្ព័ន្ធរបស់ Foxconn ក៏កំពុងមមាញឹកក្នុងការផលិតស្មាតហ្វូនរបស់ Nokia តាមការបញ្ជាទិញពី HMD ផងដែរ។

ជាមួយគ្នានោះ នៅក្នុងអំឡុងខែមីនា-មេសា ឆ្នាំ ២០១៧ ក្រុមហ៊ុន Nokia នឹងបង្ហាញស្មាតហ្វូនថ្មីបន្ថែម​ទៀត ដែលមានលក្ខណ:ពិសេសកាន់តែអស្ចារ្យ ក្រោមកិច្ចសហការជាមួយក្រុមហ៊ុន HMD ដដែល។

គួរបញ្ជាក់ផងដែរថា ក្រុមហ៊ុន Nokia បានលក់អាជីវកម្មទូរសព្ទចល័តទៅឲ្យ Microsoft ក្នុងតម្លៃ ៧.២ពាន់លានដុល្លារអាមេរិក ហើយតាមកិច្ចព្រមព្រៀងនៅចុងឆ្នាំ ២០១៦នេះ ក្រុមហ៊ុន Nokia បានសិទ្ធិ​ផលិតស្មាតហ្វូនថ្មី ដែលប្រើស្លាកសញ្ញា Nokia៕

nokia-new-smartphone