Post News Media ព័ត៌មានសេដ្ឋកិច្ច CASA ខុនដូកម្...

CASA ខុនដូកម្ពស់ ៣៣ជាន់ នឹងក្លាយជាតំបន់ពាណិជ្ជកម្មលេចធ្លោ នៅទីក្រុងកោះពេជ្រ

ចែកចាយបន្ត

CASA គម្រោងអភិវឌ្ឍអគារកម្ពស់ ៣៣ជាន់ នឹងក្លាយជាតំបន់ពាណិជ្ជកម្មលេចធ្លោ នៅទីក្រុងកោះពេជ្រ។ នេះបើយោងតាមគេហទំព័រ CASA ។​

គម្រោងអភិវឌ្ឍខុនដូ CASA ត្រូវបានអភិវឌ្ឍដោយក្រុមហ៊ុន Meridian International ដែលបានវិនិយោគជាង ៧៥លានដុល្លារអាមេរិក។

CASA ត្រូវបានសាងសង់ឡើងលើផ្ទៃដីប្រមាណជា ៦០០០ម៉ែត្រការ៉េ ដែលមានកម្ពស់ ៣៣ ជាន់ ដោយជាន់ក្រោមដីមាន ២ជាន់សម្រាប់ចំណតរថយន្ត និងបន្ទប់ស្នាក់នៅចំនួន ៥១២យូនីត។

អគារនេះត្រូវបានរចនាឡើងក្នុងលក្ខណ:ស្រដៀង នឹងកាក់ចិនបុរាណដាក់បញ្ឈរ ដែលទូទៅមានចន្លោះនៅកណ្តាល តំណាងឲ្យភាពចម្រុងចម្រើននៃទ្រព្យសម្បត្តិ ហើយចន្លោះកណ្តាលនៃអគារទាំងពីរ បើគិតតាម ហុងស៊ុយបុរាណហៅថា ច្រកនាគសម្រាប់ស្វាគមន៍។

CASA រួមមានបន្ទប់ស្នាក់នៅ ហាងហែលទឹក កន្លែងហាត់ប្រាណ ភោជនីយដ្ឋាន។

គួរបញ្ជាក់ផងដែរថា​ អគារខុនដូ CASA មានទីតាំងស្ថិតនៅទីក្រុងកោះពេជ្រ សង្កាត់ទន្លេបាសាក់ ខណ្ឌចំការមន និងគ្រោងបញ្ចប់នៅពាក់កណ្តាលឆ្នាំ ២០១៧នេះ៕