Post News Media ព័ត៌មានសេដ្ឋកិច្ច ពានរង្វាន់ Ca...

ពានរង្វាន់ Cambodia Property Awards ឆ្នាំ ២០១៨ ប្រកាសចាប់ផ្តើមចុះឈ្មោះហើយ

ចែកចាយបន្ត

ក្រុមហ៊ុន Property Guru បានប្រកាសពិធីបើកចុះឈ្មោះ ពានរង្វាន់ Cambodia Property Awards ឆ្នាំ ២០១៨ ចាប់ពីថ្ងៃនេះ រហូតដល់ថ្ងៃទី ៥ ខែមករា ឆ្នាំ ២០១៨។

ការប្រកួតប្រជែងដ៏មានកិត្យានុភាពនេះ បានបើកចំហទៅដល់ក្រុមហ៊ុនអភិវឌ្ឍន៍អចលនទ្រព្យ និងបណ្តាក្រុមហ៊ុន ដែលមានលក្ខណ:សម្បត្តិនៃការអភិវឌ្ឍន៍គ្រប់គ្រាន់ មានទីតាំងនៅរាជធានីភ្នំពេញសៀមរាប និងខេត្តព្រះសីហនុ។

ការប្រកួតប្រជែង ត្រូវបានបែងចែកចេញជា ៣ផ្នែកធំៗ គឺ​ អ្នកអភិវឌ្ឍ ការអភិវឌ្ឍន៍ និងឌីហ្សាញ ហើយក៏មានការជ្រើសរើសពានរង្វាន់ពិសេស សម្រាប់ការលើកកម្ពស់ទំនួលខុសត្រូវសង្គម (CSR) និងភាពល្អប្រសើរ នៅក្នុងការអភិវឌ្ឍន៍ប្រកបដោយនិរន្តរភាព អគារបៃតង និងការរចនាជាសកល។

លោក Terry Blackburn ស្ថានិក និងជានាយកគ្រប់គ្រង PropertyGuru Asia Property Awards បានមានប្រសាសន៍ថា នៅឆ្នាំ ២០១៨ ចំនួនអ្នកចូលរួម ត្រូវបានគេរំពឹងថា នឹងកើនឡើង នៅពេលដែលពានរង្វាន់កាន់តែមានភាពប្រកួតប្រជែងខ្លាំងឡើង និងគម្រោងដែលលេចធ្លោជាច្រើនត្រូវបានប្រកាស។

កាលពីឆ្នាំមុន គម្រោងឌីហ្សាញ មានការដាក់ពាក្យច្រើនជាងគេ ហើយនៅឆ្នាំនេះ គឺរំពឹងទទួលបានការដាក់ពាក្យច្រើន ពីគម្រោងខុនដូ ហើយពានរង្វាន់នេះ នឹងជួយជម្រុញដល់ការកំណត់ស្តង់ដាអភិវឌ្ឍន៍ ព្រមទាំងជួយដល់ការផ្សព្វផ្សាយរបស់ ក្រុមហ៊ុនឬគម្រោងដែលឈ្នះផងដែរ។

លោក ស៊ន សៀប ស្ថាបនិកក្រុមហ៊ុន Key Real Estate បានមានប្រសាសន៍ថា «ខ្ញុំជឿជាក់ថាកម្មវិធីផ្តល់រង្វាន់បានរួមចំណែកយ៉ាងធំធេង ដល់ឧស្សាហកម្មសំណង់ និងអចលនទ្រព្យនៅក្នុងប្រទេសកម្ពុជា  ដោយទាក់ទាញអ្នកវិនិយោគមកពីជុំវិញតំបន់ និងផ្នែកផ្សេងទៀតនៃពិភពលោក ដើម្បីពិចារណាលើការវិនិយោគលើវិស័យអចលនទ្រព្យនៅកម្ពុជា»។

គួរជម្រាបដែរថា កម្មវិធីពានរង្វាន់អចលនទ្រព្យ PropertyGuru Cambodia Property ឆ្នាំ ២០១៨ ត្រូវបានឧបត្ថម្ភគាំទ្រដោយក្រុមហ៊ុន KHI Huot ដៃគូផ្លូវការ Realestate.com.kh អង្គការមនុស្សធម៌ CARE អន្តរជាតិ ប្រព័ន្ធផ្សព្វផ្សាយអន្តរជាតិដៃគូ Southeast Asia GLOBE, Construction & Property និង ទស្សនាវដ្តី PropertyGuru Property Report; ការគាំទ្រពីសមាគមសភាពាណិជ្ជកម្មអឺរ៉ុបនៅកម្ពុជា (EuroCham) និងអ្នកគ្រប់គ្រងផ្លូវការ BDO៕