Post News Media ព័ត៌មានសេដ្ឋកិច្ច មន្ត្រី កងទ័ព...

មន្ត្រី កងទ័ព នគរបាល ជាស្ត្រីសម្រាលកូន នឹងទទួលបានប្រាក់ឧបត្ថម្ភចាប់ពី ៨០ម៉ឺនរៀល

ចែកចាយបន្ត

សម្តេចតេជោ ហ៊ុន សែន​ នាយករដ្ឋមន្ត្រីនៃព្រះរាជាណាចក្រកម្ពុជា បានឲ្យដឹងនៅព្រឹកនេះថា សម្រាប់ស្ត្រី ជាមន្ត្រីរាជការ កងទ័ព នគរបាល គ្រូបង្រៀន និងគ្រូពេទ្យ ដែលត្រូវសម្រាលកូន នឹងទទួលបានថវិកា ៨០ម៉ឺនរៀល សម្រាប់កូនមួយ, ១៦០ម៉ឺនរៀល សម្រាប់កូនភ្លោះ, និង ២លាន៤សែនរៀល សម្រាប់កូនបី។

សម្រាប់គោលនយោបាយជាតិគាំពារសង្គមថ្មីនេះ នឹងចាប់ផ្តើមចាប់ពីខែ មករា ឆ្នាំ ២០១៨ តទៅ ដោយក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណ: នឹងរៀបចំសម្រួលឲ្យចូលជាធរមានឆាប់បំផុត។

គួររម្លឹកថា សម្រាប់ស្ត្រីកម្មការិនី ដែលត្រូវសម្រាលកូន ទោះក្នុងប្រព័ន្ធ ឬក្រៅប្រព័ន្ធ នឹងទទួលបានថវិកា ៤០ម៉ឺនរៀល សម្រាប់កូនមួយ, ៨០ម៉ឺនរៀល សម្រាប់កូនភ្លោះ, និង ១លាន២សែនរៀល សម្រាប់កូនបី បូកប្រាក់ឧបត្ថម្ភពី សម្តេចតេជោ និងសម្តេចកិត្តិបន្ថែមទៀត។

បើទោះបីជា កូននោះកើតរស់ ឬស្លាប់ គឺនៅទទួលបានថវិកាដូចគ្នា៕