Post News Media ព័ត៌មានសេដ្ឋកិច្ច ក្រុមហ៊ុន ២ ច...

ក្រុមហ៊ុន ២ ចាប់ដៃគ្នា វិនិយោគអគ្គិសនីដើរដោយថាមពលព្រះអាទិត្យ ក្នុងខេត្តកំពង់ឆ្នាំង

ចែកចាយបន្ត

ក្រុមហ៊ុន Devenco និងក្រុមហ៊ុន Engie Glow បានចុះអនុស្សរណ:រួមគ្នា ក្នុងការវិនិយោគលើអគ្គិសនីដើរដោយថាមពលព្រះអាទិត្យ ក្នុងទំហំ ៣០-៥០មេហ្គាវ៉ាត់ នៅក្នុងខេត្តកំពង់ឆ្នាំង។ នេះបើតាមការឲ្យដឹងពី ក្រសួងបរិស្ថាន។

លោក សាយ សំអាល់ រដ្ឋមន្ត្រីក្រសួងបរិស្ថាន បានលើកឡើងថា កម្ពុជា ពិតជាត្រូវការថាមពលដែលមានតម្លៃថោក និងជឿទុកចិត្តបាន ដើម្បីផ្តល់ឱកាសសម្រាប់ការវិនិយោគ និងរក្សាឲ្យបាននៅសន្តិសុខថាមពល ដើម្បីរក្សាកំណើនវិនិយោគ។

អគ្គិសនីដើរដោយថាមពលព្រះអាទិត្យ និងថាមពលឧស្ម័ន គឺជាជម្រើសមួយបែបទៀត ដែលមិនប៉ះពាល់បរិស្ថាន ខណ:ថាមពលទាំងពីរនេះ អាចជំនួសការប្រើប្រាស់ថាមពលប្រេងឥន្ធន:បាន។

គួររម្លឹកថា នៅក្រុងបាវិត នឹងមាន ស្ថានីយ៍ថាមពលដើរដោយពន្លឺព្រះអាទិត្យទំហំ ១០មេហ្គាវ៉ាត់ ដែលគ្រោងនឹងចំណាយទុនប្រមាណ ១២លានដុល្លារអាមេរិក ធ្វើឡើងនៅលើផ្ទៃដីជាង ១០ហិកតា ជាស្ថានីយ៍ថាមពលព្រះអាទិត្យដំបូងគេបង្អស់នៅកម្ពុជា។

យ៉ាងណាមិញ ថាមពលសូឡាផលិតបាន គឺប្រមាណ ១០មេហ្កាវ៉ាត់ ខណ:តម្រូវការប្រើប្រាស់ក្នុងខេត្តស្វាយរៀងមានរហូតដល់ ៤០មេហ្កាវ៉ាត់ ពោលគឺ ផ្គត់ផ្គង់បានប្រមាណ ១ភាគ៤ នៃតម្រូវការ៕