Post News Media ព័ត៌មានសេដ្ឋកិច្ច សាលារាជធានីភ្...

សាលារាជធានីភ្នំពេញ សហការជាមួយ វីង រៀបចំម៉ាស៊ីនឆូតកាតតាមរថយន្តក្រុងសាធារណ:

ចែកចាយបន្ត

សាលារាជធានីភ្នំពេញ បានសិក្សាជាមួយធនាគារឯកទេស វីង ពីគម្រោងរៀបចំ ម៉ាស៊ីនឆូតកាតតាមរថយន្តក្រុងសាធារណ: ដែលនឹងអាចដាក់ដំណើរការនាពេលឆាប់ៗនេះ។ នេះបើយោងតាមលើកឡើង កាលពីពេលថ្មីៗនេះ របស់លោក អៀង អូននី អភិបាលរងរាជធានីភ្នំពេញ។

សាលារាជធានីភ្នំពេញ បានសម្រេចឲ្យរៀបចំមន្ត្រីជំនាញបច្ចេកទេស រៀបចំសៀវភៅបន្ទុក និងកិច្ចសន្យាស្តីពីការវិនិយោគលើការសិក្សា និងការបំពាក់ឧបករណ៍ទូទាត់តាមអេឡិចត្រូនិច។

ការប្រើកាតឆូត នៅពេលប្រើប្រាស់រថយន្តក្រុងសាធារណ: នឹងផ្លាស់ប្តូរពីការប្រើប្រាស់ថវិកាដោយផ្ទាល់ មកជាការប្រើប្រាស់កាតប្រចាំខែ ឬប្រចាំឆ្នាំ ដែលបង្កភាពងាយស្រួលដល់ ការគ្រប់គ្រងចំណូលឲ្យមានប្រសិទ្ធភាព។

លើសពីនេះទៅទៀត ការប្រើប្រាស់កាតឆូត នឹងកាត់បន្ថយចំនួនបុគ្គលិក លុបបំបាត់ភាពមិនប្រក្រតីផ្សេងៗ នឹងបង្កភាពងាយស្រួលដល់អ្នកធ្វើដំណើរផងដែរ គឺចំនេញពេលវេលា។

គួរបញ្ជាក់ផងដែរថា សាលារាជធានីភ្នំពេញ ក៏គ្រោងនឹងពង្រីកខ្សែរថយន្តក្រុងសាធារណ:ពីចំនួន ៣ខ្សែ ដែលកំពុងដំណើរការនាពេលបច្ចុប្បន្ន ឲ្យកើនដល់ ១០ខ្សែ៕

14705784_630108677169888_3613444861438313726_n prepaid_card_controller_em_316_ip_in_karosa_b952-1712_bus_at_celebrate_of_60_years_of_public_transport_in_trebic_trebic_district 14708262_630108733836549_2639533243495953791_n