Post News Media ព័ត៌មានអន្តរជាតិ យន្តហោះចម្បាំ...

យន្តហោះចម្បាំងរុស្ស៊ី និងស៊ីរី វាយប្រហារទម្លាក់គ្រាប់នៅស៊ីរី

ចែកចាយបន្ត

ស៊ីរី: យន្តហោះចម្បាំងរុស្ស៊ី និងស៊ីរី បានប្រតិបត្ដិការរួមគ្នាវាយប្រហារទម្លាក់គ្រាប់ ក្នុងតំបន់ដែលពួកភេរវករប្រមូលផ្តុំ នៅភាគខាងជើងទីក្រុង Hama ដែលបណ្ដាលឲ្យមនុស្សស្លាប់ និងរងរបួសរាប់សិបនាក់។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៤ ខែតុលា ឆ្នាំ២០១៦។

តាមប្រភពយោធា រាយការណ៍ថា ការវាយប្រហារនេះ បានបំផ្លាញរថក្រោះ រថយន្ត និងបានសម្លាប់ភេរវកររាប់សិបនាក់ នៅកន្លែងប្រមូលផ្តុំ និងទីស្នាក់ការកណ្តាលរបស់ពួកសកម្មប្រយុទ្ធ នៅភាគខាងជើង និងខាងកើតតំបន់ Suran និង Maardas ។

ជុំវិញការវាយប្រហារនេះ ពួកភេរវករបានទទួលរងការខាតបង់យ៉ាងខ្លាំង ក្នុងតំបន់ Morek, al-Hamar, Tal Bazam, Tal Za’tar, Kafr Zita, Skaik, Atshan, al-Lataminah នៅភាគខាងជើងទីក្រុង Hama ប្រទេសស៊ីរី។

ប្រភពពីកងទ័ពបាននិយាយកាលពីថ្ងៃពុធថា កងទ័ពស៊ីរីបានកាត់ផ្តាច់បណ្តាញផ្គត់ផ្គង់នៃក្រុមភេរវករ នៅភាគខាងជើងទីក្រុង Hama ខណ:ពេលដែលផ្លូវបើកចំហរមួយចំនួន ទៅកាន់តំបន់កាន់កាប់ដោយសកម្មប្រយុទ្ធ គឺមិនមានសុវត្ថិភាពគ្រប់គ្រាន់ក្នុងការផ្ទេរ ឬផ្គត់ផ្គង់អាវុធដល់កងកម្លាំងនោះទេ៕

russian-syrian-warplanes-launch-heavy-airstrikes-on-terrorists-in-northern-hama