Post News Media ព័ត៌មានសុខភាព គ្រោះថ្នាក់! ...

គ្រោះថ្នាក់! ភេសជ្ជ:ប៉ូវកម្លាំងអាចបំផ្លាញសុខភាពធ្ងន់ធ្ងរ តែគ្រប់គ្នាផឹកវារាល់ថ្ងៃ

ចែកចាយបន្ត

គ្រប់គ្នាប្រហែលជាចូលចិត្តទទួលទានភេសជ្ជ:ប៉ូវកម្លាំង នៅពេលដែលទទួលទានអាហារ កម្មវិធីជួបជុំមិត្តភក្តិ ឬបន្ទាប់ពីហាត់កីឡារួច។ ប៉ុន្តែអ្នកប្រហែលជាមិនដឹងថា វាអាចបង្កផលប៉ះពាល់យ៉ាងណាខ្លះចំពោះសុខភាពឡើយ។ តើអ្នកដឹងថា ការទទួលទានភេសជ្ជ:ប៉ូវកម្លាំង មានផលប៉ះពាល់អ្វីខ្លះ ដល់សុខភាព? យោងតាមលោកវេជ្ជបណ្ឌិត West Conner បានបង្ហាញឲ្យដឹងថា ភេសជ្ជ:ដែលមានពណ៌ត្នោត អាចបង្កបញ្ហាជាច្រើនដល់សុខភាព។

១. ក្រោយពេល ១០នាទីដំបូង
បន្ទាប់ពីផឹកភេសជ្ជ:ប៉ូវកម្លាំងមួយកំប៉ុងភ្លាម រាងកាយរបស់អ្នក បានទទួលជាតិស្ករ១០ស្លាបព្រាកាហ្វេ ដែលជាចំនួនជាតិស្ករដ៏ខ្ពស់សម្រាប់រាងកាយរបស់មនុស្ស។ ការទទួលយកជាតិក្នុងបរិមាណខ្ពស់បែបនេះ អាចប៉ះពាល់ដល់សុខភាពយ៉ាងខ្លាំង។

២. ក្រោយពេល ២០នាទី
បន្ទាប់ពីផឹកភេសជ្ជ:ប៉ូវកម្លាំង បាន២០នាទីក្រោយមក ថ្លើមរបស់អ្នកក៏អាចនឹងមានបញ្ហាផងដែរ ព្រោះកម្រិតជាតិស្ករខ្ពស់ បានបង្កើតអាំងស៊ុយលីនក្នុងឈាម ហើយបង្កទៅជាតិខ្លាញ់ក្នុងថ្លើម។

៣. ក្រោយពេល ៤០នាទី
៤០នាទីក្រោយមកជាតិស្ករ ដែលមានក្នុងភេសជ្ជ:ប៉ូវកម្លាំង បានជ្រាបចូលពេលរាងកាយ ហើយធ្វើឲ្យសំពាធឈាមរបស់អ្នក កើនឡើងខ្ពស់។

៤. ក្រោយពេល ៤៥នាទី
ក្រោយពីការទទួលទានភេសជ្ជ:ប៉ូវកម្លាំង បាន៤៥នាទី ខួរក្បាលរបស់អ្នក បានបញ្ចេញអ័រម៉ូនម្យ៉ាង ដែលអ្នកធ្វើអ្នកមានអារម្មណ៍ល្អ ប៉ុន្តែប្រិតកម្មបែបនេះគឺ ដូចប្រតិកម្មនៃការប្រើថ្នាំញៀនដែរ វានឹងបង្កប៉ះពាល់ដល់អ្នកក្នុងពេលណាមួយ។

៥. ក្រោយពេល ៦០នាទី
ក្រោយរយ:ពេល ៦០នាទី អ័រម៉ូនដែលធ្វើឲ្យអ្នកមានអារម្មណ៍ល្អ នឹងរលាយបាត់ទៅវិញ។ បន្ទាប់មករាងកាយរបស់អ្នក នឹងចុះទន់ខ្សោយ ហើយមានអារម្មណ៍ថាខ្ជិលច្រអូស។

ក្រោយពីមើលឃើញពីផលប៉ះពាល់របស់ ភេសជ្ជ:ប៉ូវកម្លាំង ដូចដែលបានរៀបរាប់ខាងលើនេះ តើលោកអ្នកសម្រេចចិត្តទទួលទានវាបន្តទៅទៀត? ចម្លើយមួយនេះ គឺអាស្រ័យទៅលើការពិចារណារបស់មនុស្សម្នាក់ៗ៕

ចែកចាយបន្ត