Post News Media ព័ត៌មានអន្តរជាតិ រដ្ឋអាជ្ញាកូរ...

រដ្ឋអាជ្ញាកូរ៉េខាងត្បូង ស្នើដីកាចាប់ខ្លួន អតីតប្រធានាធិបតី

ចែកចាយបន្ត

កូរ៉េ: ប្រព័ន្ធផ្សព្វផ្សាយក្នុងប្រទេស បានរាយការណ៍ថា រដ្ឋអាជ្ញាកូរ៉េខាងត្បូង បានសម្រេចចិត្តស្នើសុំដីការចាប់ខ្លួន អតីតប្រធានាធិបតីលោកស្រី ផាក គឹនហេ ពីតុលាការលើបទចោទប្រកាន់ ពាក់ព័ន្ធនឹងរឿងអាស្រូវពុករលួយ បន្ទាប់ពីលោកស្រី ត្រូវបានបណ្ដេញចេញពីតំណែង នៅដើមខែនេះ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី ២៧ ខែមីនា ឆ្នាំ២០១៧។

ទីភ្នាក់ងារយ៉ុនហាប់ នៅថ្ងៃច័ន្ទនេះ បានរាយការណ៍ថា ការសម្រេចចិត្តរបស់រដ្ឋអាជ្ញានេះ គឺធ្វើទ្បើង បន្ទាប់ពីពួកគេបានធ្វើការសាកសួរលោកស្រី ផាក អស់រយ:ពេលជាច្រើនម៉ោង កាលសប្តាហ៍មុន ដោយសង្ស័យថា អតីតប្រធានាធិបតី បានស៊ុមគ្រលុំជាមួយមនុស្សជំនិត ក្នុងការកិបកេងប្រាក់រាប់លានដុល្លារពីអាជីវកម្ម សម្រាប់ផលប្រយោជន៍ហិរញ្ញវត្ថុផ្ទាល់ខ្លួនរបស់ពួកគេ និងបានអនុញ្ញាតឲ្យមិត្តភក្តិខ្លួន គឺលោកស្រី Choi Soo-Sil ចូលទៅកាន់ឯកសារសម្ងាត់បំផុតរបស់រដ្ឋាភិបាលទៀតផង។

មកទល់ពេលនេះ ការិយាល័យរដ្ឋអាជ្ញាក្រុងសេអ៊ូល មិនទាន់ធ្វើការបញ្ជាក់ភ្លាមៗនៅទ្បើយទេ អំពីរបាយការណ៍នេះ៕

ចែកចាយបន្ត