Post News Media ព័ត៌មានសុខភាព ប្រភេទអាហារ ដ...

ប្រភេទអាហារ ដែលអាចសម្លាប់ប៉ារ៉ាស៊ីតក្នុងពោះវៀនពូកែលេខ១

ចែកចាយបន្ត

ប៉ារ៉ាស៊ីតមានច្រើនប្រភេទខុសៗគ្នាដូចជា ព្រូន តេនញ៉ា អៀន…ដែលអាចចូលទៅរស់នៅក្នុងពោះវៀនរបស់យើងដោយមិនដឹងខ្លួន ជាពិសេសតាមរយ:ការទទួលទានអាហារគ្មានអនាម័យ។ ប្រសិនបើអ្នកមិនប្រញាប់ព្យាបាលទេ វានឹងបង្កើតកូនចៅកាន់តែច្រើនទៅៗ ហើយបង្កឲ្យមានផលប៉ះពាល់ធ្ងន់ធ្ងរដល់សុខភាព។ ចំពោះរោគសញ្ញានៃការឆ្លងមេរោគប៉ារ៉ាស៊ីតក្នុងពោះវៀនរួមមាន ហើមពោះឬភើបន្ទាប់ពីទទួលទានអាហារ បាត់បង់ចំណង់អាហារ ក្អួតចង្អោរ រមាស់រន្ធគូថ មានទឹករំអិលឬឈាមលាយលាមក ហើមភ្នែក និងឈឺក្បាលប្រកាំង។

ដើម្បីកម្ចាត់ប៉ារ៉ាស៊ីតចេញពីពោះវៀន អ្នកអាចប្រើប្រាស់ថ្នាំតាមវេជ្ជបញ្ជារ ក៏ប៉ុន្តែក្រៅពីថ្នាំពេទ្យអ្នកក៏អាចប្រើប្រាស់វិធីសាស្ត្រធម្មជាតិមួយចំនួនផងដែរ។

ការ៉ុត-ការទទួលទានការ៉ុត ឬផឹកទឹកការ៉ុតជាប្រចាំ អាចជួយសម្លាប់ពពួកប៉ារ៉ាស៊ីតក្នុងពោះវៀន ហើយអាចជួយការពារមិនឲ្យជំងឺនេះកើតឡើងវិញម្តងទៀត។

ដូង-ដើម្បីសម្លាប់ពពួកប៉ារ៉ាស៊ីតនៅក្នុងក្រពះពោះវៀន អ្នកអាចទទួលទានទឹកដូង រយ:ពេលមួយសប្តាហ៍ពេញ។

គ្រាប់ក្រូចឆ្មារ-អ្នកត្រូវយកគ្រាប់ក្រូចឆ្មារ៤-៥គ្រាប់កិនឲ្យម៉ត់ ដាក់ចូលទៅក្នុងទឹកក្តៅឧណ្ឌៗមួយកែវ បន្ទាប់មកទទួលទានទាំងអស់ម្តង។ សូមបន្តអនុវត្តបែបនេះរហូតទាល់តែអ្នកមានអារម្មណ៍ថា ប៉ារ៉ាស៊ីតជ្រុះចេញពីពោះវៀនអស់។

ខ្ទឹមស-ខ្ទឹមសសម្បូរទៅដោយសារធាតុប្រឆាំងនឹងអុកស៊ីតកម្ម ដែលអាចប្រឆាំងនឹងបាក់តេរី ព្រមទាំងមេរោគផ្សិតយ៉ាងមានប្រសិទ្ធភាព។ ដូច្នេះ អ្នកគ្រាន់តែទំពារខ្ទឹមស១-២កំពឹសជារៀងរាល់ថ្ងៃ ប៉ារ៉ាស៊ីតនៅក្នុងពោះវៀននឹងជ្រុះចេញមកអស់៕

ប្រភព: rak sukapap