Post News Media ព័ត៌មានជាតិ នៅសុខៗទុស្សេខ...

នៅសុខៗទុស្សេខ្សែភ្លើងឆេះព្រីភ្លើងទាំងព្រឹក ផ្អើលពេញអធិការដ្ឋានខណ្ឌសែនសុខ!

ចែកចាយបន្ត

ភ្នំពេញ: សមត្ថកិច្ចនៃអធិការដ្ឋាននគរបាលខណ្ឌសែនសុខកំពុងធ្វើការសុខៗ ស្រាប់តែឆ្លងចរន្តទុស្សេខ្សែភ្លើងទាំងព្រឹក បណ្តាលឲ្យមានការភ្ញាក់ផ្អើល តែភ្លើងបានរលត់ទៅវិញបន្ទាប់ពីនគរបាលបានបិតបារ៉ែតភ្លើងនិងបានយកទឹកជះពន្លត់។

ហេតុការណ៍ភ្ញាក់ផ្អើលខាងលើនេះបានកើតឡើងនៅវេលាម៉ោង៨និង៣០នាទីព្រឹក ថ្ងៃទី២០ ខែមិថុនា ឆ្នាំ២០១៧ ស្ថិតនៅក្នុងអគារអធិការដ្ឋាននគបាលខណ្ឌសែនសុខ។

តាមការរៀបរាប់របស់សមត្ថកិច្ចដែលធ្វើការណ៍នៅក្នុងអធិការដ្ឋានបានឲ្យដឹងថា កាលពីម្សិលមិញធុំក្លឹនឆ្ងៀមដែរតែមិនចាប់អារម្មណ៍ ស្រាប់តែព្រឹកនេះធុំក្លឹនឆ្ងៀមហើយទុស្សេខ្សែភ្លើងបណ្តាលឲ្យព្រីភ្លើងឆេះតែម្តង។

ទោះជាយ៉ាងណាគ្រាន់តែភ្លើងឆេះភ្លាមក៏ត្រូវបានសមត្ថកិច្ចទៅបិតបារ៉ែតភ្លើងនិងយកទឹកជះពន្លត់ឲ្យរលត់វិញភ្លាមៗដែរចំពោះសម្ភារ:ខូចខាតឃើញមាន ខូចព្រីភ្លើង១និងខ្សែភ្លើង។

ក្រោយពេលកើតហេតុ លោកអធិការបានឲ្យមន្ត្រីក្រោមឱវាទហៅជាងមកមើលដើម្បីជួសជុលផងដែរ៕