Post News Media ព័ត៌មានសុខភាព មិននឹកស្មាន! ...

មិននឹកស្មាន! ខ្ទឹមស និងខ្ទឹមបារាំង ជាថ្នាំបណ្តុះសក់ពូកែយ៉ាងនេះសោះ

ចែកចាយបន្ត

ការបាត់បង់សក់ ឬក៏ទំពែក គឺជាភាពអាម៉ាសមួយដែលបានកើតមានចំពោះមនុស្សរាប់លាននាក់នៅជំវិញពិភពលោក។ ខណ:មនុស្សភាគច្រើនបាត់បង់សក់នៅអាយុ៤០ឆ្នាំ ដោយសារតែការទទួលទានរបបអាហារមិនល្អ ឬបណ្តោលមកពីតំណពូជ។ ទោះជាយ៉ាងណា បើយោងតាមគេហទំព័រ naturalmedicinebox បានបង្ហាញថា បញ្ហាជ្រុះសក់អាចដោះស្រាយបានដោយប្រើវិធីធម្មជាតិងាយៗ ហើយលោកអ្នកមិនចាំបាច់ចំណាយប្រាក់ច្រើននោះឡើយ។

ធាតុផ្សំ:
ខ្ទឹមបារាំង១មើម (កិនយកទឹក)
ខ្ទឹមស៤ទៅ៥កំពឹស
ស៊ុតលឿង១គ្រាប់

របៀបប្រើប្រាស់
១.យកធាតុផ្សំទាំងអស់ទៅក្រឡុក ឬកិនឲ្យក្លាយទៅជាល្បាយតែមួយ។
២.ចាប់ផ្តើមអនុវត្តលើស្បែកក្បាល ហើយប្រើម្រាមដៃម៉ាស្សារាងជារង្វង់។
៣.ទុកឲ្យល្បាយធ្វើសកម្មភាពរយ:ពេល៣០នាទី បន្ទាប់មកលាងសម្អាតជាមួយនឹងទឹកក្តៅឧណ្ឌៗ។
៤.អនុវត្តបែបនេះជារៀងរាល់ពេលល្ងាច ក្នុងរយ:ពេល៣០ថ្ងៃ អ្នកនឹងឃើញលទ្ធផលបណ្តើរៗ។

សមាសធាតុនៅក្នុងខ្ទឹមស និងខ្ទឹមបារាំង មានឥទ្ធិពលជំរុញដល់លំហូរឈាមទៅកាន់ស្បែកក្បាល ជួយឲ្យសក់ឆាប់លូតលាស់ឡើងវិញ និងមានភាពរឹងមាំ។ ក្រៅពីបណ្តុះសក់ឡើងវិញ រូបមន្តមួយនេះអាចការពារមិនឲ្យសក់ជ្រុះ ព្យាបាលសក់ស្ងួត និងកម្ចាត់បញ្ហារមាស់ស្បែកក្បាលថែមទៀត៕