Post News Media ព័ត៌មានសុខភាព ហេតុអ្វីអ្នកជ...

ហេតុអ្វីអ្នកជំងឺទឹកនោមផ្អែម គួរញ៉ាំដំឡូងស្ងោរ?

ចែកចាយបន្ត

ដោយសារតែបញ្ហាសុខភាពមិនអំណោយផល ទើបធ្វើឲ្យអ្នកជំងឺទឹកនោមផ្អែម ត្រូវតមអាហារជាច្រើន ប៉ុន្តែចំពោះដំឡូងជ្វាវិញ មិនបានស្ថិតនៅក្នុងបញ្ជីនៃអាហារទាំងអស់នោះឡើយ។

បើយោងតាមគេហទំព័រ boldsky បានបង្ហាញថា ដំឡូងជ្វាមានផ្ទុកសារធាតុសំខាន់ៗដូចជា វីតាមីន C ប៉ូតាស្យូម ជាតិសរសៃ និងមានកម្រិតជាតិប្រេងទាប ដែលសាកសមបំផុតសម្រាប់អ្នកជំងឺទឹកនោមផ្អែម។

ការទទួលទានដំឡូងស្ងោរក្នុងបរិមាណមធ្យម នឹងទទួលបានជាតិសរសៃច្រើន ដែលអាចជួយទប់ស្តាត់ការកើនឡើងនៃកម្រិតជាតិស្ករក្នុងឈាម។ ប៉ុន្តែ សូមកុំទទួលទានដំឡូងបំពង ឬចៀនឲ្យសោះ ព្រោះវាមានផ្ទុកជាតិប្រេង ឬខ្លាញ់ច្រើន ដែលអាចនាំឲ្យមានផលវិបាកកាន់តែធ្ងន់ធ្ងរ។

លើសពីនេះទៅទៀត ដំឡូងជ្វា អាចជួយកាត់បន្ថយរ៉ាឌីកាល់សេរី ការរលាក និងសម្រួលដល់ក្រពះពោះវៀនក្នុងការរំលាយអាហារ។ ដូច្នេះដំឡូងជ្វា គឺជាអាហារដ៏ល្អបំផុតសម្រាប់សុខភាពអ្នកជំងឺទឹកនោមផ្អែម ប៉ុន្តែអ្នកគួរតែប្រើប្រាស់វិធីសាស្ត្រចម្អិនឲ្យបានត្រឹមត្រូវ៕