Post News Media ព័ត៌មានសុខភាព ញ៉ាំស្ទើររាល់...

ញ៉ាំស្ទើររាល់ថ្ងៃ តែអត់ដឹងថា ក្រូចឆ្មារជាថ្នាំរំលាយគ្រួសតម្រងនោមសោះ

ចែកចាយបន្ត

ក្រូចឆ្មារ គឺជាផ្លែឈើធម្មជាតិមួយប្រភេទដែលសម្បូរទៅដោយវីតាមីន C វីតាមីន B ជាតិដែក ម៉ាញ៉េស្យូម កាល់ស្យូម ប៉ូតាស្យូម ស្ពាន់ធ័រ និងជាតិសរសៃ ដែលល្អបំផុតសម្រាប់សុខភាព។ ក៏ប៉ុន្តែបើយោងតាមគេហទំព័រ boldsky បានចុះផ្សាយថា ក្រូចឆ្មារ មិនត្រឹមតែផ្តល់អត្ថប្រយោជន៍សម្រាប់សុខភាពទូទៅប៉ុណ្ណោះទេ វាអាចជួយព្យាបាលជំងឺតម្រងនោមបានថែមទៀត។ ជាពិសេសក្រូចឆ្មារ មានផ្ទុកអាស៊ីតម្យ៉ាងទៀតមានឈ្មោះថា acetic ដែលអាចធ្វើការរំលាយគ្រួសបន្តិចម្តងៗរហូតទាល់តែអស់។

ខាងក្រោមនេះ គឺជារបៀបប្រើប្រាស់ក្រូចឆ្មារ ដើម្បីរំលាយគ្រួសក្នុងតម្រងនោម:

របៀប្រើទឹកក្រូចឆ្មារ
១.អ្នកត្រូវច្របាច់ទឹកក្រូចឆ្មារស្រស់ៗឲ្យបាន ¼ ក្នុងមួយពែង។
២.បន្ទាប់មកលាយជាមួយនឹងទឹកក្តៅឧណ្ឌកន្លះកែវ និងទឹកឃ្មុំមួយស្លាបព្រាបាយ។
៣.សូមទទួលទានមួយថ្ងៃម្តងជាប្រចាំ។

ក្រៅពីនេះ នៅមានវិធីម្យ៉ាងទៀត គឺទឹកក្រូចឆ្មារ លាយជាមួយនឹងប្រេងអូលីវ។ ទឹកអាស៊ីត acetic នៅក្នុងក្រូចឆ្មារ មានសមត្ថភាពធ្វើការរំលាយគ្រួស ខណ:ដែលប្រេងអូលីវអាចបង្កើតទៅជាស្រទាប់នៅតាមជញ្ជាំងប្លោកនោម ដើម្បីកាត់បន្ថយការឈឺចាប់ និងងាយស្រួលបណ្តេញគ្រួសចេញមកក្រៅ។

របៀប្រើ:
១.សូមលាយទឹកក្រូចឆ្មារ និងប្រេងអូលីវក្នុងកម្រិតស្មើគ្នា គឺ ¼ ក្នុងមួយពែង។
២.កូរឲ្យរលាយសព្វល្អ រួចទទួលទានមួយថ្ងៃម្តង រហូតទាល់តែគ្រួសរលាយអស់។

ទោះជាយ៉ាងណា ក្នុងអំឡុងពេលអនុវត្តវិធីមួយនេះ អ្នកត្រូវប្រើទឹកក្រូចឆ្មារស្រស់ ហើយព្យាយមផឹកទឹកឲ្យបានច្រើនតាមដែលអាចធ្វើទៅបាន៕