Post News Media ព័ត៌មានជាតិ ម៉ូតូ២គ្រឿងបុ...

ម៉ូតូ២គ្រឿងបុកគ្នាពេញទំហឹងរហូតបណ្តាលឲ្យភាគីម៉ូតូកាវ៉ាសាគីឆេះ មនុស្ស៣នាក់របួសធ្ងន់ស្រាល

ចែកចាយបន្ត

កំពង់ឆ្នាំង: លោក ម៉ាត លី អធិការស្រុកកំពង់ត្រឡាចបានប្រាប់ Post News ថា មានករណីគ្រោះថ្នាក់ចរាចរណ៍មួយបានកើតឡើង ដោយម៉ូតូ២គ្រឿងបានបុកគ្នាពេញទំហឹង បណ្តាលឲ្យភាគីម៉ូតូកាវ៉ាសាគី ឆេះនិងបណ្តាលឲ្យមនុស្សយ៉ាងហោចណាស់៣នាក់រងរបួសធ្ងន់និងស្រាល។

ហេតុការណ៍នេះបានកើតឡើងកាលពីវេលាម៉ោង៨និង១៥នាទី ព្រឹកថ្ងៃទី១៣ ខែកក្កដា ឆ្នាំ២០១៧ ស្ថិតនៅចំណុចចន្លោះគីឡូម៉ែត្រ ៥០-៥១ ក្នុងភូមិតាកុល ​ឃុំពានី ស្រុកកំពង់ត្រឡាច ខេត្តកំពង់ឆ្នាំង។

គ្រោះថ្នាក់ចរាចរណ៍នេះ កើតឡើងរវាងម៉ូតូម៉ាក កាវ៉ាសាគី ពណ៌សលាយខ្មៅ ពាក់ស្លាកលេខ ភ្នំពេញ 1GM-9959 អ្នកបើកបរឈ្មោះ ញាញ ចន្ទ័ណា ​ភេទប្រុស ​អាយុ២៧ឆ្នាំ ស្នាក់នៅភូមិត្អួរលំ ឃុំកំពង់ហាវ ​ស្រុកកំពង់លែង ​​ខេត្តកំពង់ឆ្នាំង អ្នករួមដំណើរឈ្មោះ ពៅ ស្រីណា ភេទស្រី អាយុ២២ឆ្នាំ ស្នាក់នៅភូមិបឹងឈូក ​សង្កាត់និរោធ ខណ្ឌច្បារអំពៅ រាជធានីភ្នំពេញ បើកបរពីទិសខាងជើងទៅត្បូង បានបុកជាមួយនិងម៉ូតូម៉ាក FU TURE ពណ៌ក្រហម​ស ពាក់ស្លាកលេខ ភ្នំពេញ 1DB-2115 អ្នកបើកបរឈ្មោះ ឆាយ ​​​ឡិញ ភេទប្រុស អាយុ៦៦ឆ្នាំ ស្នាក់នៅភូមិកាអត ​ឃុំពានី ស្រុកកំពង់ត្រឡាច ខេត្តកំពង់ឆ្នាំង បើកបរពីទិសខាងជើងទៅត្បូង យ៉ាងពេញទំហឹង បណ្តាលឲ្យមនុស្សចំនួន៣នាក់ រងរបួសធ្ងន់និងស្រាល ចំណែកម៉ូតូម៉ាក កាវ៉ាសាគីវិញ បានឆេះយ៉ាងសន្ធោសន្ធៅ ត្រូវបានសមត្ថកិច្ចនគរបាល ចេញរថយន្តអគ្គិភ័យ ចុះទៅបាញ់ពន្លត់​៕