Post News Media ព័ត៌មានសុខភាព សំខាន់អញ្ចឹងត...

សំខាន់អញ្ចឹងតើ ទើបអ្នកជំនាញឲ្យគ្រប់គ្នាទទួលទានអំបិលអ៊ីយ៉ូដ!!!

ចែកចាយបន្ត

នៅក្នុងខ្លួនរបស់យើងមានសារធាតុអ៊ីយ៉ូដ ចាប់ពី ១៥ទៅ២៣មីលីក្រាមប៉ុណ្ណោះ បរិមាណនេះតិចជាងជាតិដែករហូតដល់ទៅ១០០ដង។ បរិមាណតិចតួចនេះ ពិតជាមានសារ:សំខាន់ខ្លាំងណាស់ចំពោះរាងកាយ ប៉ុន្តែប្រសិនបើអ្នកខ្វះសារធាតុអ៊ីយ៉ូដ វិញនោះ ច្បាស់ជាប្រឈមនឹងគ្រោះថ្នាក់ជាពុំខាន។ កង្វះសារធាតុអ៊ីយ៉ូដ ស្រដៀងគ្នាទៅនឹងកង្វះស័ង្កសីដែរ គឺវាអាចបង្កឲ្យកើតជំងឺក្រពេញទីរ៉ូអ៊ីត ជ្រុះសក់ ទល់លាមក ខាន់លឿង គ្រុនញាក់ ឡើងកូឡេស្តេរ៉ុលខ្ពស់.. ។

ការខ្វះសារធាតុអ៊ីយ៉ូដចំពោះកុមារ
កុមារខ្វះសារធាតុអ៊ីយ៉ុដ អាចបណ្តោលឲ្យរាងកាយមានការអភិវឌ្ឍយឺតយ៉ាវ ក៏ដូចជាមុខងារនៃខួរក្បាលមិនប្រក្រតី។ ជាពិសេស ជំងឺពក.ក និងឡប់សតិ គឺជារោគសញ្ញាទូទៅបំផុតនៃកង្វះសាធាតុអ៊ីយ៉ូដ។

ចំពោះស្ត្រីមានផ្ទៃពោះដែលខ្វះជាតិអ៊ីយ៉ូដ អាចបណ្តោលឲ្យការអភិវឌ្ឍគភ៌ទទួលរងនូវផលប៉ះពាល់យ៉ាងធ្ងន់ធ្ងរ ជាពិសេសខួរក្បាលរបស់ទារក។ វាត្រូវបានគេបង្ហាញថា អ្នកម្តាយដែលកង្វះសារធាតុអ៊ីយ៉ូដ កម្រិតមធ្យម ទៅធ្ងន់ធ្ងរ អាចបណ្តោលឲ្យកូនកើតមានជំងឺវិកលចរិក ជំងឺវង្វេង ឬពិការភាព។

វិធីការពារកុំឲ្យខ្វះសារធាតុអ៊ីយ៉ូដ
ចំពោះទារកចាប់ពីអាយុ ០ ដល់ ៦ខែ ត្រូវបំបៅទឹកដោះម្តាយតែមួយមុខគត់ ក៏ប៉ុន្តែក្នុងអំឡុងពេលនេះអ្នកម្តាយគួរបរិភោគអាហារសមុទ្រ ឬប្រើអំបិលអ៊ីយ៉ូត ដើម្បីផ្តល់សារធាតុដ៏សំខាន់មួយនេះសម្រាប់កូនបានគ្រប់គ្រាន់។

សម្រាប់កុមារដែលអាចធំហើយ អាចទទួលទានអាហារសមុទ្ររាល់ថ្ងៃ ដូចជា ត្រី បង្ការ ក្តាម ឬបន្លែសារ៉ាយ សាឡាត់ ស្លឹកបន្លៃបៃតង…។ ក្រៅពីនេះ ស៊ុត និងទឹកដោះគោ ក៏ជាប្រភពដ៏ល្អនៃសារធាតុអ៊ីយ៉ូដផងដែរ។ ហេតុនេះអ្នកម្តាយគ្រប់រូបគួរតែយកចិត្តទុកដាក់ឲ្យបានខ្លាំងទៅលើការផ្តល់អាហារដែលសម្បូរសារធាតុអ៊ីយ៉ូដ ចំពោះកុមារ៕

ប្រភព៖ soha