Post News Media ព័ត៌មានសុខភាព ឈឺពោះជិត៣ឆ្នា...

ឈឺពោះជិត៣ឆ្នាំ ទីបំផុតវះកាត់បានដុំសាច់មហារីក ៥.៥គីឡូក្រាមចេញពីតម្រងនោម

ចែកចាយបន្ត

ក្រុមវេជ្ជបណ្ឌិតនៅមន្ទីរពេទ្យ Sion hospital ទីក្រុងមុំបៃ បានបង្កើតកំណត់ត្រាពិភពលោកថ្មីក្នុងសៀវភៅ ហ្គីណេស បន្ទាប់ពីបានវះកាត់យកដុំសាច់មហារីកដ៏ធំ ដែលមានទម្ងន់ប្រហែលជា ៥.៥គីឡូក្រាមប្រកបដោយជោគជ័យ។ ប្រតិបត្តិការនេះត្រូវបានធ្វើឡើងចំពោះស្ត្រីម្នាក់មានឈ្មោះថា Munju Devi វ័យ ២៨ឆ្នាំ ដែលត្រូវបានគ្រូពេទ្យធ្វើរោគវិនិច្ឆ័យឃើញមានដុំសាច់មហារីកតម្រងនោម ប្រហែលជា៣ឆ្នាំមកហើយ។

អ្នកជំងឺ Munju Devi បានត្អូនត្អែអំពីដុំសាច់ដែលដុះនៅក្នុងដុំពោះរបស់នាង ដែលមានការឈឺចាប់រយ:ពេលប្រហែលជា៣ឆ្នាំ ហើយដោយសារតែដុំសាច់មានទំហំធំពេកធ្វើឲ្យគ្រូពេទ្យជាច្រើនបដិសេធមិនទទួលការវះកាត់។

តាមរបាយការណ៍បានឲ្យដឹងថា ស្ត្រីរូបនេះបានទទួលការឈឺចាប់ជាប់រហូតនៅក្នុងផ្នែកខាងស្តាំនៃពោះ ហើយថែមទាំងនោមចេញមកមានលាយឈាមផងដែរ។ លើសពីនេះទៅទៀត ដុំសាច់ដែលមានទំហំធំបានចាប់ផ្តើមរុញថ្លើម លំពែង ពោះវៀន និងសរសៃឈាមទៅផ្នែកខាងស្តាំ។ ទំហំនៃតម្រងនោមធម្មតា គឺប្រហែលជា ១១០ក្រាម ទៅ១៤០ក្រាម ប៉ុន្តែទម្ងន់នៃដុំសាច់តម្រងនោមគឺ ៥.៥គីឡូក្រាម ដែលធ្វើជាប់កំណត់ត្រាក្នុងសៀវភៅ ហ្គីណេស។

ការវះកាត់នេះត្រូវការពេលវេលារហូតដល់ទៅ ៨ម៉ោង ដោយដោលវេជ្ជបណ្ឌិត Ajit Sawant និងក្រុមរបស់គាត់។ បន្ទាប់ពីការវះកាត់បានជោគជ័យអ្នកជំងឺត្រូវការបញ្ចូលអុកស៊ីសែនរយ:ពេលមួយថ្ងៃ និងប្រែលជាមួយសប្តាហ៍ទើបនាងអាចក្រោកបានវិញ។ ឥឡូវនេះអ្នកជំងឺបានជាសះស្បើយ ហើយអាចធ្វើការបានដូចមនុស្សទូទៅធម្មតាដែរ៕

ប្រភព៖ thehealthsite