Post News Media ព័ត៌មានជាតិ រថយន្តហ៊ីយ៉ាន...

រថយន្តហ៊ីយ៉ាន់ដាយ៥តោន បុកក្មេងស្រីម្នាក់ ស្លាប់យ៉ាងរន្ធត់!

ចែកចាយបន្ត

ពោធិ៍សាត់: លោកវរសេនីយ៍ត្រី ធាង ឡេង អធិការស្រុកវាលវែង បានប្រាប់Post Newsថា មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តធន់ធំមួយគ្រឿង បានបើកបុកក្មេងស្រីអាយុ៦ឆ្នាំម្នាក់ បណ្តាលឲ្យស្លាប់យ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង១និង១០នាទី ថ្ងៃទី៦ ខែតុលា ឆ្នាំ២០១៧ ស្ថិតនៅចំណុចគីឡូម៉ែត្រលេខ៦៥ ភូមិស្ទឹងថ្មី ឃំុប្រម៉ោយ ស្រុកវាលវែង ខេត្តពោធិ៍សាត់។

សមត្ថកិច្ចបានឲ្យដឹងថា មុនពេលកើតហេតុគេបានឃើញឈ្មោះ ភ្លក់ ភេទប្រុស អាយុ២២ឆ្នាំ រស់នៅខេត្តក្រចេះ បានបើករថយន្តម៉ាក ហ៊ីយ៉ាន់ដាយ៥តោន ពណ៌ស គ្មានស្លាកលេខ បើកបរពីទិសខាងលិចទៅទិសខាងកើតទៅបុកក្មេងស្រីឈ្មោះ ពេជ្រ ស្រីណែត អាយុ៦ឆ្នាំ ដើរស្របទិសគ្នា បណ្ដាលឲ្យស្លាប់នៅមណ្ឌលសុខភាពស្រុកភ្នំក្រវាញ។

ចំណែករថយន្តបង្ក ត្រូវសមត្ថកិច្ចយកមករក្សាទុកនៅអធិការដ្ឋាននគរបាលស្រុកវាលវែង រង់ចាំដោះស្រាយគ្នាតាមច្បាប់បន្តទៀត៕