Post News Media ព័ត៌មានអន្តរជាតិ ផ្ទុះការបាញ់ប...

ផ្ទុះការបាញ់ប្រហារនៅអាមេរិក សម្លាប់មនុស្ស ៣ នាក់ និងរងរបួស ១២ នាក់

ចែកចាយបន្ត

អាមេរិក: បើតាមប៉ូលិស បាននិយាយថា មនុស្សបីនាក់ ត្រូវបានសម្លាប់ និង ១២នាក់ទៀតរងរបួស នៅពេលការបាញ់ប្រហារធំមួយ បានផ្ទុះឡើងនៅទីក្រុង Los Angeles កាលពីថ្ងៃសៅរ៍។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៦ ខែតុលា ឆ្នាំ២០១៦។

មកទាល់ពេលនេះ ប៉ូលិសបានចាប់ខ្លួនជនសង្ស័យម្នាក់ និងកំពុងតែស្វែងរកអ្នកទីពីរ ដែលជាប់ពាក់ព័ន្ធនឹងការបាញ់ប្រហារ នៅភោជនីយដ្ឋានមួយ ក្នុងស្រុក West Adams នៃទីក្រុង Los Angeles។

នាយកដ្ឋានប៉ូលិសទីក្រុង Los Angeles លោក Frank Preciado បាននិយាយថា «វាជាការបាញ់ប្រហារ ដ៏សាហាវមួយ ដែលមានបង្ហូរឈាមនៅគ្រប់ទីកន្លែង» ដោយលោក បានបញ្ជាក់ទៀតថា មនុស្សប្រមាណជា ៥០ នាក់បានស្ថិតនៅទីនោះ។

ប្រព័ន្ធផ្សព្វផ្សាយក្នុងស្រុក បានឲ្យដឹងថា បុរសបីនាក់បានចាកចេញពីភោជនីយដ្ឋាន និងត្រឡប់មកវិញជាមួយនឹងអាវុធ រួចបានចាប់ផ្តើមបាញ់ប្រហារទៅក្រុមមួយផ្សេងទៀត ខណ:ដែលមនុស្សជាច្រើន កំពុងស្ថិតនៅភោជនីយដ្ឋាន នោះផងដែរ៕

los-angeles-mass-shooting-kills-3-wounding-12