Post News Media ព័ត៌មានកីឡា គ្រូ Lee ប្រា...

គ្រូ Lee ប្រាប់មូលហេតុដែលដូរជម្រើសដំបូងស្ទើរពាក់កណ្តាលក្រុមល្ងាចមិញ

ចែកចាយបន្ត

លោក Lee Taehoon គ្រូបង្គោលក្រុមជម្រើសជាតិកម្ពុជា បានបង្ហើបថាមូលហេតុដែលលោកដូរជម្រើស១១នាក់ដំបូង ស្ទើរមួយចំហៀងក្រុម ពេលឈ្នះឡាវ ២ – ១ យប់មិញ គឺដោយសារកីឡាករសំខាន់ៗមួយចំនួនមានលក្ខខណ្ឌកម្លាំងមិនទាន់រឹងមាំ សម្រាប់លេងនៅវគ្គទី១។

លោក Lee សង្កត់ធ្ងន់ថា ជំនួបបើកឆាកតទល់ឡាវ ពិតជាសំខាន់ ទើបលោកសម្រេចយកកីឡាករណាដែលមានកម្លាំងគ្រប់គ្រាន់ និងគិតថាជាកីឡាករល្អបំផុតសម្រាប់លោកចូលលេង។

cam-vs-lao-aff-suzuki-cup-5

« មែន កីឡាករខ្ញុំយប់មិញជម្រើសដំបូងជាកីឡាករល្អបំផុតហើយ ពួកគេមានកម្លាំងគ្រាប់គ្រាន់សម្រាប់លេង។ ខ្ញុំមើលលក្ខខណ្ឌកីឡាករ ពេលខ្លះបើគាត់មិនទាន់ Fit ទេ យើងពិបាកដាក់គាត់ឲ្យលេងណាស់។ ដូចវឌ្ឍនកាជាដើម មិនមែនគេមិនល្អ ឬមិនអាចលេងពេញ៩០នាទីទេ ប៉ុន្តែពេលនេះមិនទាន់ជាឱកាសរបស់គេ។ គេត្រូវការសម្រាកខ្លះ យើងនៅមាន២ប្រកួតទៀត។» សម្តីគ្រូជម្រើសជាតិកម្ពុជា។

កម្ពុជា បានបើកឆាកយក៣ពិន្ទុពីឡាវ នាពហុកីឡដ្ឋានជាតិ កាលពីយប់មិញ ក្រោមក្រសែភ្នែកទស្សនិកជនជាង៥ម៉ឺននាក់។ ខ្សែប្រយុទ្ធ ប្រាក់ មុន្នីឧត្តម និង សមាជិកកាពារជាតិ ឈិន ឈឿន ជាអ្នករកគ្រាប់បាល់ឲ្យក្រុមគោព្រៃ។

ថ្ងៃជាមួយគ្នានោះដែរ ព្រុយណេ បានយកឈ្នះ ទីម័រ ដោយលទ្ធផល ២ – ១ ដូចគ្នា។ ក្នុងតារាងចំណាត់ថ្នាក់បច្ចុប្បន្ន ព្រុយណេ នៅកំពូលតារាង មាន៣ពិន្ទុ ស្មើក្រុមលេខ២កម្ពុជា ខណ:ឡាវ និង ទីម័រ មិនទាន់មានពិន្ទុ នៅបាទតារាងនៅឡើយ។

cam-vs-lao-aff-suzuki-cup-6

cam-vs-lao-aff-suzuki-cup-7

cam-vs-lao-aff-suzuki-cup-10

cam-vs-lao-aff-suzuki-cup-3

cam-vs-lao-aff-suzuki-cup-9

cam-vs-lao-aff-suzuki-cup-4

 

cam-vs-lao-aff-suzuki-cup-1

cam-vs-lao-aff-suzuki-cup-2