Post News Media ព័ត៌មានអន្តរជាតិ សាកសពមនុស្ស ១...

សាកសពមនុស្ស ១២ នាក់ ត្រូវប្រទះឃើញនៅតំបន់ផ្នូរ ជាកន្លែងសម្បូរជួញដូរថ្នាំញៀន នៅម៉ិកស៊ិក

ចែកចាយបន្ត

ម៉ិកស៊ិក: រដ្ឋាភិបាលបានរកឃើញសាកសពមនុស្ស ១២នាក់ ដែលបានលាក់នៅតំបន់ផ្នូរ ក្នុងទីក្រុង Zitlala រដ្ឋ Guerrero ប្រទេសម៉ិកស៊ិក ដែលកន្លែងនោះសម្បូរ ដោយការជួញដូរថ្នាំញៀន និងអាភៀន។
នេះបើយោងតាមរយ: សារព័ត៌មានម៉ិកស៊ិក The News ចេញផ្សាយថ្ងៃទី២៤ ខែវិច្ឆិកា ឆ្នាំ២០១៦។

តាមមន្ត្រីប៉ូលិសក្នុងតំបន់ បាឲ្យដឹងថា សាកសព ៥ នាក់ ត្រូវបានរកឃើញនៅថ្ងៃពុធ និង ៧នាក់ទៀត ត្រូវបានរកឃើញកាលពីថ្ងៃអង្គារ នៅកន្លែងកប់សាកសពមួយ ក្នុងទីក្រុង Zitlala ។

ខណ:នេះប៉ូលិស កំពុងបើកការស៊ើបអង្កេតលើករណីនេះហើយ និងកំពុងប្រយុទ្ធប្រឆាំងលើការជួញដូរគ្រឿងញៀន នៅក្នុងរដ្ឋភាគនិរតី ដែលមានរមណីយដ្ឋានស្អាតឈ្មោះ Acapulco ។

សូមជំរាបថា សាកសពមនុស្ស៩ នាក់ផ្សេងទៀត ដែលមានសញ្ញានៃការធ្វើទារុណកម្ម ត្រូវបានគេរកឃើញផងដែរ នៅថ្ងៃច័ន្ទក្នុងរដ្ឋ Guerrero ដែលជាកន្លែងសិស្សនិស្សិតបាត់ខ្លួនអំទ្បុងឆ្នាំ ២០១៤ ក្នុងវិបត្តិសិទ្ធិមនុស្ស របស់ប្រធានាធិបតីលោក Enrique Pena Nieto ៕

ម៉ិកស៊ិក

ចែកចាយបន្ត