Post News Media ព័ត៌មានសេដ្ឋកិច្ច កម្ពុជា ឋិតក្...

កម្ពុជា ឋិតក្នុងចំណោមប្រទេសចំណាយតិច សម្រាប់ការរស់នៅ ក្នុងតំបន់អាស៊ី

ចែកចាយបន្ត

នៅឆ្នាំ ២០១៧ នេះ កម្ពុជាត្រូវបានគេចាត់ទុកជាប្រទេសមួយ ឋិតក្នុងចំណោមប្រទេស ៤ នៅតំបន់អាស៊ី ដែលមានការចំណាយលើការរស់នៅតិច ដោយផ្អែកកត្តាពីរយ៉ាង ទី១ តម្លៃក្នុងការចំណាយ និងការបន្តទិដ្ឋាការបាន រយ:ពេលវែង។ នេះបើយោងតាមគេហទំព័រ CHEAPEST DESTINATION ។

បច្ចុប្បន្នកម្ពុជា ជាប្រទេសដ៏ល្អប្រសើរមួយ បើទោះបីជាស្ថិតនៅក្នុងប្រទេសកំពុងអភិវឌ្ឍក៏ដោយ តែបានទាក់ទាញភ្ញៀវទេសចរអន្តរជាតិមកទស្សនាយ៉ាងច្រើនកុះករ ដោយសារប្រទេសយើង ផ្តល់ភាពងាយស្រួលដល់ ការចំណាយក្នុងការរស់នៅ (ចំណាយតិច) ទាំងហូបចុក ស្នាក់នៅ និងការដើរកម្សាន្ត ពិសេសជាង នេះទៀតនោះ សម្រាប់ជនបរទេស អាចបន្តទិដ្ឋាការបានរយ:ពេលវែង (តាមដែលពួកគេ ត្រូវការ)។

ដោយនៅក្នុងប្រទេសកម្ពុជា រាល់ជនបរទេស ដែលមកធ្វើដំណើរកម្សាន្ត ឬធ្វើអាជីវកម្ម អាចបន្តទិដ្ឋាការអាជីវកម្មបាន បើទោះបីជាពួកគាត់មានចំណូល ៥ ដុល្លារអាមេរិកក្នុងមួយខែក៏ដោយ។

យ៉ាងណាមិញ យោងតាមការចេញផ្សាយរបស់គេហទំព័រ World Property Journal កម្ពុជាឋិតនៅលេខរៀងទី ១ ក្នុងចំណោមប្រទេសមានកន្លែងល្អបំផុត សម្រាប់ជនជាតិអាមេរិកចូលនិវត្តន៍ ក្នុងឆ្នាំ ២០១៧ ដោយសារតែប្រទេសយើង ផ្តល់នៅភាពងាយស្រួល ក្នុងការចំណាយសមរម្យលើការស្នាក់នៅ ដូចជាតម្លៃជួលអាផាតមិន ឬកន្លែងស្នាក់មានតម្លៃប្រហែល ៣០០ ដុល្លារអាមេរិកនៅទីក្រុងភ្នំពេញ និង នៅទីក្រុងព្រះសីហនុប្រហែល ២០០ ដុល្លារអាមេរិក ក្នុងមួយខែប៉ុណ្ណោះ៕

គួរបញ្ជាក់ផងដែរថា ៣ ប្រទេសផ្សេងទៀត ដែលស្ថិតក្នុងចំណោមប្រទេសចំណាយតិច សម្រាប់ការរស់នៅ ក្នុងតំបន់អាស៊ី រួមមានម៉ាឡេស៊ី ឥណ្ឌា និងនេប៉ាល៕

ចែកចាយបន្ត