Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ២នាក់ ពាក់ពន្ធ័នឹងករណីចែកចាយគ្រឿងញៀន

ចែកចាយបន្ត

ភ្នំពេញ: ជនសង្ស័យ២នាក់ ត្រូវបានសមត្ថកិច្ចឃាត់ខ្លួនពាក់ពន្ធ័នឹងករណីចែកចាយគ្រឿងញៀនដោយខុសច្បាប់។ ការចាប់ខ្លួននេះបានធ្វើឡើងកាលពីវេលាម៉ោង១និង៥០នាទីរំលងអាធ្រាត្រ ឈានចូលថ្ងៃទី២៣ ខែមីនា ឆ្នាំ២០១៧ ស្ថិតនៅចំណុច ផ្លូវខាងសារិន ក្រុមទី៧ ភូមិបឹងសាឡាង សង្កាត់ឬស្សីកែវ
រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យទាំង២នាក់ ទី១មានឈ្មោះ រិន រ៉ា ភេទប្រុស អាយុ២៨ឆ្នាំ មុខរបរកម្មករសំណង់ និងជនសង្ស័យទី២ឈ្មោះ កំ ឡន ភេទប្រុស អាយុ២៥ឆ្នាំ មុខរបរកម្មករសំណង់ អ្នកទាំង២នាក់ស្នាក់នៅភូមិកើតហេតុខាងលើ។

មុនឈានដល់ការចាប់ឃាត់ខ្លួន កម្លាំងជំនាញផ្នែកគ្រឿងញៀនខណ្ឌនិងប៉ុស្តិ៍ឬស្សីកែវ ក្រោយពីបានបើកការស្រាវជ្រាវរួចមក ដោយមានការចូលរួមដោយប្រជាកាពារសង្កាត់ឫស្សីកែវ បានបើកកិច្ចប្រតិបត្តិការបង្ក្រាបករណីគ្រឿងញៀនដោយខុសច្បាប់ ស្ថិតនៅចំណុចផ្លូវខាងសារិន ក្រុមទី៧ ភូមិបឹងសាឡាង សង្កាត់ឬស្សីកែវ។ ជាលទ្ធផលនៃកិច្ចប្រតិបត្តិការ សមត្ថកិច្ចបានធ្វើការឃាត់ខ្លួនជនសង្ស័យ២នាក់ខាងលើ ក្នុងនោះដកហូតបាន ម្សៅក្រាម ពណ៌សថ្លា តម្រុយជាថ្នាំញៀនមួយកញ្ចប់ថង់តូច និងម៉ូតូ១គ្រឿងម៉ាកស្មាសវី ពណ៌ខ្មៅ ពាក់ស្លាកលេខភ្នំពេញ១BB-6660។

ចប្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចឃុំខ្លួនបណ្តោះអាសន្ន ដើម្បីសាកសួរនិងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមនីតិវិធីច្បាប់៕

ចែកចាយបន្ត