Post News Media ព័ត៌មានអន្តរជាតិ សម្ដេច Pope F...

សម្ដេច Pope Francis ផ្ទុះកំហឹងយ៉ាងខ្លាំង ជុំវិញវិញការហៅឈ្មោះអាវុធរបស់អាមេរិក «មាតាគ្រាប់បែក»

ចែកចាយបន្ត

សម្ដេច Pope Francis បានធ្វើការរិះគន់យ៉ាងចាស់ដៃទៅលើយោធាអាមេរិក ដែលបានហៅឈ្មោះ គ្រាប់បែកនុយក្លេអ៊ែរ ដ៏ធំបំផុតរបស់ខ្លួន មិនធ្លាប់ត្រូវបានប្រើនៅក្នុងការប្រយុទ្ធថា ជាមាតាគ្រាប់បែកនោះ។ នេះបើយោងតាមរយ:សារព័ត៌មាន BBC ចេញផ្សាយនៅថ្ងៃទី០៧ ខែឧសភាព ឆ្នាំ២០១៧។

បុព្វជិតរូបនេះ បានប្រាប់ទៅកាន់និស្សិតជាច្រើន នៅទីក្រុង​វ៉ាទីកង់ ក្នុងប្រទេសអ៊ីតាលីថា «ខ្ញុំពិតជាមានការខ្មាស់អៀនណាស់ នៅពេលដែលខ្ញុំបានឮឈ្មោះនេះ »។

លោកបានចោទជាសំណួរថា « តើមានអ្វីកំពុងតែកើតឡើង? ខណ:យើងបានដឹងហើយថា មាតាជាបុគ្គលម្នាក់ ដែលបានផ្តល់នូវជីវិត ហើយចំណែកឯវាវិញ (មាតាគ្រាប់បែក) ជាអ្វីដែលផ្តល់នូវសេចក្ដីស្លាប់ ខណ:ពួកគេបានហៅឧបករណ៍នេះថា ជាមាតា»។

សូមជំរាបថា ការលើកទ្បើងរបស់សម្ដេច Pope បានធ្វើទ្បើងបន្ទាប់ពីកាលពីខែមុន អាមេរិក បានបើកការវាយប្រហារទម្លាក់គ្រាប់បែកមួយ ដែលមានឈ្មោះថា មាតាគ្រាប់បែក ជាមួយទម្ងន់ ៩.៨០០ គីទ្បូក្រាម នៅលើពួកសកម្មប្រយុទ្ធរដ្ឋអ៊ីស្លាម ក្នុងប្រទេសអាហ្វហ្គានីស្ថាន៕

ចែកចាយបន្ត