Post News Media ព័ត៌មានកីឡា អីយា សមរភូមិ ...

អីយា សមរភូមិ Laliga កាន់តែក្តៅគគុក ខណ: MSN រកជ័យជម្នះឲ្យ Barca រីឯកីឡាករជិតចាកចេញរកជ័យជម្នះឲ្យ Real

ចែកចាយបន្ត

ក្រុមកំពូលតារាងទាំង២​ នៃក្របខ័ណ្ឌ​ Laliga របស់អេស្ប៉ាញ បានធ្វើឲ្យសមរភូមិវាលស្មៅកាន់តែក្តៅគគុក​ បន្ទាប់ពីក្រុមទាំង២​ បានយកឈ្នះការប្រកួតយប់មិញដូចៗគ្នា។

ក្រុមអ្នកមានបុណ្យ Barcelona បានបំបាក់ក្រុម Villareal ៤-១ ក្នុងដីខ្លួនឯង​ ចំណែកឯក្រុមអធិរាជស​ Real Madrid បានយកឈ្នះក្រៅដីលើក្រុម Granada ​៤-០។ ៤គ្រាប់របស់ Barcelona រកបានដោយ MSN ទាំងអស់ ដោយ Neyma រកបាននៅនាទីទី ២១​, Suarez រកបាននៅនាទីទី ៦៩ និង២គ្រាប់របស់ Lionel Messi រកបាននៅនាទីទី ៤៥ និង៨២ ខណ: Villareal អាចវាយបកបានត្រឹម១គ្រាប់ ដោយកីឡាករ Bakambu នៅនាទីទី ៣២។ ចំណែក ៤​របស់ក្រុម Real Madridd វិញ រកបានដោយកីឡាករ ដែលជិតចាកចេញពីក្លិប គឺ James Rodriguez នៅនាទីទី​និងនាទីទី១១​ និង​ Alvaro Morata នៅនាទីទី ៣០​និង ៣៥។ សរុបការប្រកួតនៅសប្តាហ៍ទី ៣៦​នេះ ក្រុមទាំង២​នៅតែមានពិន្ទុ ៨៤​ដូចគ្នា ស្របពេល Barcelona នៅសល់២​ ប្រកួត រីឯ Real Madrid នៅសល់ ៣ប្រកួតក្នុងដៃទៀត៕