Post News Media ព័ត៌មានអន្តរជាតិ កាន់តែក្ដៅគគុ...

កាន់តែក្ដៅគគុក ខណ:ទំនាក់ទំនង​រវាង​លោក​ត្រាំ​ និង​រុស្សី​ ត្រូវ​បានចោទសួរ​អំឡុងពេល​វេទិកា​សាធារណ:

ចែកចាយបន្ត

អាមេរិក: បន្ទាប់​ពី​មាន​រឿង​ដ៏​ចម្រូងចម្រាស​ ដែលបានកើត​ឡើង​ដោយ​ការ​បណ្តាញ​ប្រធាន​ភ្នាក់ងារ​ស៊ើបអង្កេត​សហព័ន្ធលោក James Comey ចេញពីតំណែងពីសំណាក់​​ប្រធានាធិបតី លោក ដូណាល់ ​ត្រាំ ឥទ្បូវនេះប្រធានសភាតំណាងរាស្ត្រលោក Paul Ryan បានវិល​ត្រលប់​មក​ធ្វើ​ការ​នៅ​វិមាន​រដ្ឋសភា Capitol Hill វិញហើយ ខណ:ដែលតំណាងរាស្រ្ត​គណបក្ស​ប្រជាធិបតេយ្យ​ បានធ្វើការ​ជំរុញ​ឲ្យ​តំណាងរាស្រ្ត​គណបក្ស​សាធារណរដ្ឋរូបនេះ​ ផ្តល់​មូលនិធិ ព្រ​មទាំង​បង្កើត​ជា​ការ​ស៊ើបអង្កេតឯករាជ្យ​មួយ។

បើទោះ​បី​ជា​លោក Paul Ryan មានគោលបំណងចង់ផ្តោតសំខាន់ទៅ​លើ​ការដោះស្រាយ ​បញ្ហា​កំណែទម្រង​ពន្ធដារ​យ៉ាងណាក៏​ដោយ ​តែបញ្ហាចម្បង​នោះ ​​គឺមិនអាចជៀសផុតពីត្រូវរកដំណោះស្រាយជុំវិញរឿងទំនាក់ទំនង វិមានក្រឹមទ្បាំង នៅក្នុងការបោះឆ្នោតប្រធានាធិបតីអាមេរិកនោះទេ​​។

នៅ​ក្នុង​វេទិកា​សាធារណ:​ មានបុរស​ម្នាក់​បាន​ស្រែក​សួរ​ទៅលោក​តំណាងរាស្រ្តយ៉ាង​គំហក​ថា «ហេតុអ្វី​លោក​មើល​មិន​ឃើញ អំពីការដោះស្រាយបញ្ហា ដែលកំពុងតែកើតមាននោះ?»

ដោយសំណួរនេះ បានចោទសួរទ្បើង ខណ:​ដែល​តំណាងរាស្រ្ត​ប្រឈម​នឹង​សំណួរ​ពិបាកៗ​ពី​សំណាក់​ក្រុម​អ្នក​បោះឆ្នោត ជាមួយ​នឹង​សំឡេង​ស្រែក​បន្ត​ពី​ក្រោយ​ថា៖ «សូម​ឆ្លើយ​ចម្លើយ​ចុង​ក្រោយ​នេះ!»

គួរបញ្ជាក់ដែរថា នៅ​​វេទិកា​សាធារណ:​ឯ​ទៀត​ជុំវិញ​ប្រទេស​ ដូចជា វេទិកា​មួយ​នៅ​រដ្ឋ Iowa តំណាងរាស្រ្ត​គណបក្ស​សាធារណរដ្ឋ ​គឺ​គ្រាន់​តែ​និយាយ​ការពារ​លោក​ប្រធានាធិបតី​តែ​ប៉ុណ្ណោះ ប៉ុន្តែពាក់ព័ន្ធនឹងសំណួរដែលមានទំនោរ ទៅប្រទេសរុស្ស៊ី គឺមិនបានបកស្រាយឲ្យច្បាស់លាស់នោះទេ៕