Post News Media ព័ត៌មានអន្តរជាតិ ករណីបំផ្ទុះគ្...

ករណីបំផ្ទុះគ្រាប់បែកអត្តឃាត រញ្ជួយស្ថានីយ៍រថភ្លើង នៅទីក្រុងព្រុចសែល

ចែកចាយបន្ត

ទាហានប្រទេសបែលហ្ស៊ិក នៅថ្ងៃអង្គារនេះ បានបាញ់សម្លាប់ជនសង្ស័យភេរវករម្នាក់ បន្ទាប់ពីហេតុការណ៍ បំផ្ទុះគ្រាប់បែកអត្តឃាតមួយ បានរញ្ជួយកណ្តាលស្ថានីយ៍រថភ្លើង នៅទីក្រុងព្រុចសែល ដែលវាជាការវាយប្រហារថ្មីមួយ ដើម្បីលុកលុយនៅប្រទេសអឺរ៉ុបមួយនេះ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២១ ខែមិថុនា ឆ្នាំ២០១៧។

សាក្សីនៅកន្លែងកើតហេតុ បាននិយាយថា ជនសង្ស័យបានស្រែកនូវពាក្យថា Allahu Akbar ដែលមានន័យថា ព្រះដ៏ឧត្តុង្គឧត្តមបំផុត មុននឹងធ្វើការបំផ្ទុះ ហើយបើតាមប្រព័ន្ធផ្សព្វផ្សាយក្នុងស្រុក បានឲ្យដឹងថា បុគ្គលម្នាក់នេះ បានធ្វើសកម្មភាព ដោយបំពាក់គ្រឿងផ្ទុះនៅនិងខ្សែក្រវ៉ាត់។

ពាក់នឹងហេតុការណ៍នេះដែរ អាជ្ញាធរបានរាយការណ៍ថា ពុំមាននរណាម្នាក់រងរបួសនោះទេ លើកលែងតែអ្នកវាយប្រហារប៉ុណ្ណោះ ដែលត្រូវបានបាញ់សម្លាប់ នៅអំទ្បុងពេលប្រឈមមុខដាក់គ្នា។

គួរបញជាក់ដែរថា លោក Eric Van Der Sypt អ្នកនាំពាក្យការិយាល័យរដ្ឋអាជ្ញាសហព័ន្ធ បានប្រាប់ក្នុងសន្និសីទកាសែតព័ត៌មានមួយ នៅខាងក្រៅស្ថានីយ៍រថភ្លើងថា «ករណីនេះ ត្រូវបានគេចាត់ទុកថា ជាការវាយប្រហារភេរវកម្ម» ៕