Post News Media ព័ត៌មានជាតិ រថយន្តរបស់ក្រ...

រថយន្តរបស់ក្រុមហ៊ុនសា្របៀរលីអូ ត្រូវម៉ូតូគ្លីកជិះបុកពីក្រោយពេញទំហឹង របួសធ្ងន់២នាក់

ចែកចាយបន្ត

ភ្នំពេញ: គ្រោះថ្នាក់ចរាចរណ៍មួយបានកើតឡើ​ង បន្ទាប់ពីម៉ូតូម៉ាកគ្លីកមួយគ្រឿង​បើកបរមិនប្រយត្ន័ ទៅបុកគូទរថយន្តរបស់ក្រុមហ៊ុន ស្រាបៀរលីអូ ពេញទំហឹង បណ្តាលឲ្យដួលបោកទៅលើដងផ្លូវរងរបួសធ្ងន់ចំនួន២នាក់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង១០ជាង យប់ថ្ងៃទី២០ ខែមិថុនា ឆ្នាំ២០១៧ ស្ថិតនៅចំណុចតាមបណ្តោយផ្លូវ២៧១ ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញម៉ូតូម៉ាកគ្លីក មួយគ្រឿងពាក់ស្លាកលេខ ភ្នំពេញ 1N-8515 ជិះឌុបគ្នា២នាក់ក្នុងទិសដៅស្របទិសគ្នាជាមួយនឹងរថយន្តរបស់ក្រុមហ៊ុនស្រាបៀរលីអូ ពាក់ស្លាកលេខ ភ្នំពេញ 2V-2751 លុះដល់ចំណុចកើតហេតុ ស្រាប់តែម៉ូតូខាងលើបានជ្រុលទៅបុកគូទរថយន្តចំចំហៀងខាងឆ្វេងពេញទំហឹង បណ្តាលឲ្យរងការខូចខាត ចំណែកអ្នកជិះម៉ូតូទាំង២នាក់រងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅឯមន្ទីរពេទ្យផងដែរ៕