Post News Media ព័ត៌មានអន្តរជាតិ កូរ៉េខាងជើង ប...

កូរ៉េខាងជើង បាញ់សាកល្បងម៉ីស៊ីលផ្លោង ចូលដែនសមុទ្រភាគខាងកើត

ចែកចាយបន្ត

កូរ៉េ: មន្ត្រីយោធារបស់កូរ៉េខាងត្បូង នៅថ្ងៃអង្គារនេះ បានឲ្យដឹងថា រដ្ឋាភិបាលក្រុងព្យុងយ៉ាង បានបាញ់សាកល្បងម៉ីស៊ីលផ្លោងជាថ្មីម្ដងទៀត ធ្លាក់ចូលដែនទឹកសមុទ្រភាគខាងកើតនៃប្រទេស ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី០៤ ខែកក្កដា ឆ្នាំ២០១៧។

ទីភ្នាក់ងារព័ត៌មានយ៉ុនហាប បានដកស្រង់សម្តីនាយសេនាធិការចម្រុះ (JCS) របស់កូរ៉េខាងត្បូងថា ការបាញ់សាកល្បងនេះ បានធ្វើឡើងចំពេលប្រធានាធិបតីចិន លោក ស៊ី ជីងពីង កំពុងបំពេញទស្សនកិច្ចផ្លូវការនៅប្រទេសរុស្ស៊ី។

មីស៊ីលនេះ ត្រូវបានបាញ់ចេញនៅវេលាម៉ោងប្រហែល ៩ និង៤០ នាទីព្រឹក (ម៉ោងក្នុងស្រុក) ដោយធ្លាក់ចូលសមុទ្រខាងកើត ក្នុងតំបន់ភាគពាយព្យនៃប្រទេស ។

គួរបញ្ជាក់ដែរថា តាមរបាយការណ៍ប្រព័ន្ធផ្សព្វផ្សាយរបស់ជប៉ុន បានឲ្យដឹងថា មីស៊ីលនេះ ប្រហែលជាបានធ្លាក់ចុះនៅក្នុងតំបន់សេដ្ឋកិច្ចផ្តាច់មុខរបស់ជប៉ុន៕