Post News Media ព័ត៌មានកីឡា Totti ត្រៀមចរ...

Totti ត្រៀមចរចារមកកាន់លីគទី២ ជប៉ុន

ចែកចាយបន្ត

បន្ទាប់ពីការចូលនិវត្តន៍ ពីក្រុម AS Roma ខ្សែប្រយុទ្ធដ៍ឆ្នើម Francesco Totti កំពុងតែ ចរចារក្នុងការមកលេងនៅលីគទី ២របស់ជប៉ុន បើតាមការចុះផ្សាយរបស់ The Sun ។

ខ្សែប្រយុទ្ធដ៍ឆ្នើម និងជាទីពេញចិត្តរបស់អ្នកគាំទ្រក្រុម AS Roma កីឡាករ Francesco Totti មានការចាប់អារម្មណ៍ យ៉ាងខ្លាំងក្នុងការមកលេងនៅប្រទេសជប៉ុន។ ជាការពិតណាស់ក្រុម Tokyo Verdy ដែលកំពុងប្រកបអាជីពនៅលីគទី២ របស់ជប៉ុន បានចាប់អារម្មណ៍យ៉ាងខ្លាំង មកលើខ្សែប្រយុទ្ធវ័យ ៤០ឆ្នាំរូបនេះ។ ក្នុងនោះដែរ The Sun បានចុះផ្សាយថា Francisco Totti បានទាមទារនូវតម្លៃពលកម្មប្រមាណជា ៥០០០០ផោន ក្នុង១សប្តាហ៍ ប្រសិនបើ Tokyo Verdy ពិតជាចង់បានមែននោះ។ ការទាមទារដ៍ខ្ពស់នេះ គឺជាការទាមទារតម្លៃពលកម្មច្រើនបំផុតក្នុងប្រវត្តិសាស្ត្របាល់ទាត់របស់ជប៉ុន ព្រោះថា នៅជប៉ុនមានកីឡាករអឺរ៉ុបភាគតិចណាស់ ដែលប្រកបអាជីពនៅទីនោះ ដែលខុសពីចិន មានកីឡាករល្បីៗជាច្រើនទៅលេង ព្រមទាំងមានតម្លៃពលកម្មខ្ពស់ថែមទៀត។ យ៉ាងណាក៍ដោយ នេះគ្រាន់តែជាការទាមទារប៉ុណ្ណោះ ប្រហែលជាអាចតម្លៃទាបជាងនេះ ដែលក្លិបនឹងតថ្លៃជាមួយកីឡាករ រូបនេះខណះ Totti ទំនេរស្រាប់ មិនទាន់មានក្លិបណាមួយទាក់ទងនៅឡើយ។

កីឡាករដែលនាំក្រុមជម្រើសជាតិអ៊ីតាលី ឈ្នះ World Cup ២០០៦ រូបនេះ នឹងពិចារណា ក្នុងការផ្លាស់ទៅកាន់ប្រទេសជប៉ុននេះ ស្របពេលដែលក្លិប Tokyo Verdy នៅតែព្យាយាមចង់បាន Legend រូបនេះ។ គួរបញ្ជាក់ផងដែរថា Francisco Totti បានចូលរួមជាមួយ Roma តាំងពីឆ្នាំ ១៩៩២ រហូតដល់បញ្ចប់អាជីព នៅឆ្នាំ ២០១៧ បង្ហាញខ្លួនបាន ៦១៩ និងស៊ុតបញ្ចូលទីបាន ២៥០គ្រាប់។