Post News Media ព័ត៌មានអន្តរជាតិ មនុស្ស ៤០ នាក...

មនុស្ស ៤០ នាក់បានស្លាប់ អំទ្បុងពេលជម្លៀសខ្លួនចេញ ពីតំបន់ក្រុមឧទ្ទាមកាន់កាប់ នៅទីក្រុងហ្វីលីពីន

ចែកចាយបន្ត

ហ្វីលីពីន: ក្រសួងសុខាភិបាលក្នុងប្រទេស នៅថ្ងៃច័ន្ទនេះ បាននិយាយថា មនុស្សចំនួន ៤០នាក់បានស្លាប់ អំទ្បុងពេលជម្លៀសខ្លួនចេញពីទីក្រុងម៉ារ៉ាវី ភាគខាងត្បូងប្រទេសហ្វីលីពីន ចាប់តាំងពីជម្លោះផ្ទុះឡើងកាលពីខែឧសភា រវាងយោធា និងពួកឧទ្ទាម ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៧ ខែកក្កដា ឆ្នាំ២០១៧។

រដ្ឋលេខាធិការក្រសួងសុខាភិបាល លោកស្រី Paulyn Ubial បានប្រាប់ក្នុងសន្និសីទព័ត៌មាន នៅឯវិមានប្រធានាធិបតី Malacanang ថា រាល់អ្នកជម្លៀសទាំងអស់ បានស្លាប់ ដោយសារការឆ្លងមេរោគក្រពះពោះវៀន រួមទាំជំងឺទាក់ទងនឹងបេះដូងផងដែរ។

លោកស្រី បានបន្ថែមថា ជនភៀសខ្លួនចំនួន ១៦៤១១1 នាក់ហើយ ត្រូវបានគេទទួលយកមកព្យាបាល នៅក្នុងមន្ទីរពេទ្យរដ្ឋ និងឯកជន ខណ:ដែល ៤៦៥.០០០ នាក់ទៀត កំពុងទទួលរងផលប៉ះពាល់»។

ក្នុងនោះលោកស្រី បានបញ្ជាក់ផងដែរថា ជម្រកបណ្តោះអាសន្ន ត្រូវបានបង្កើតឡើង នៅទីតាំងមជ្ឈមណ្ឌលជនភៀសខ្លួនចំនួន ៨៧ កន្លែង សម្រាប់ជនភៀសខ្លួនចំនួន ២៦.៩៩១ នាក់។

គួរបញ្ជាកដែរ គិតត្រឹមថ្ងៃទី ១៦ ខែកក្កដានេះ ជម្លោះនៅទីក្រុងម៉ារ៉ាវី បានសម្លាប់មនុស្ស ៥៤៥ នាក់ ក្នុងនោះមានក្រុមជ្រុលនិយម ៤០៥ នាក់, កងកម្លាំងសន្តិសុខ ៩៥ នាក់, ជនស៊ីវិល ៤៥ នាក់ ដោយរាប់បញ្ចូលទាំងជនស៊ីវិលចំនួន ៤០នាក់ ដែលបានស្លាប់ នៅអំទ្បុងពេលជម្លៀសខ្លួនចេញពីទីក្រុងម៉ារ៉ាវី រហូតមកទល់ពេលនេះផងដែរ៕

Bombing of Marawi City