Post News Media ព័ត៌មានអន្តរជាតិ ពួកឧទ្ទាមស៊ីរ...

ពួកឧទ្ទាមស៊ីរីចំនួន ២៥នាក់ ត្រូវបានសម្លាប់ នៅក្នុងករណីផ្ទុះគ្រាប់បែក ក្បែរព្រំដែនប្រទេសហ្ស៊កដានី

ចែកចាយបន្ត

ស៊ីរី: ក្រុមសកម្មជនក្នុងប្រទេស បាននិយាយកាលពីថ្ងៃសៅរ៍ថា ពួកឧទ្ទាមស៊ីរី ២៥ នាក់ ត្រូវបានសម្លាប់ ដោយការបំផ្ទុះគ្រាប់បែកមួយ នៅជិតព្រំដែនប្រទេសស៊ីរី និងហ្ស៊កដានី។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៣ ខែសីហា ឆ្នាំ២០១៧។

ប្រភពពីក្រុមឃ្លាំមើលសិទ្ធិមនុស្សស៊ីរី ដែលមានមូលដ្ឋាននៅទីក្រុងឡុង បានឲ្យដឹងថា ពួកឧទ្ទាមទាំងនោះ មកពីក្រុមសកម្មប្រយុទ្ធ Jaish al-Islam បានស្លាប់បាត់បង់ជីវិត នៅក្នុងករណីផ្ទុះគ្រាប់បែកមួយ ដែលបានកំណត់នៅទីតាំងរបស់ពួកគេក្បែរតំបន់ព្រំដែន Nasib ឆ្លងកាត់ប្រទេសហ្ស៊កដានី។

ពាក់ព័ន្ធនឹងករណីនេះដែរ ពុំទាន់មានភាគីណាមួយ ចេញមកអះអាងទទួលខុសត្រូវនៅទ្បើយទេ ប៉ុន្តែក្រុមជ្រុលនិយមរដ្ឋអ៊ីស្លាម (IS) កាលពីមុនធ្លាប់បានធ្វើការបំផ្ទុះគ្រាប់បែកស្រដៀងគ្នា នៅក្នុងតំបន់នេះផងដែរ៕