Post News Media ព័ត៌មានសិល្បៈ និងកម្សាន្ត ម៉េង ប៊ុនឡូ ធ...

ម៉េង ប៊ុនឡូ ធ្វើឲ្យទស្សនិកជនភ្ញាក់ផ្អើល​

ចែកចាយបន្ត

បើទោះបីជា​លោក ម៉េង ប៊ុនឡូ មិនបានបញ្ចេញ​បទចម្រៀងផ្ទាល់ខ្លួន តែ​ថ្មីៗនេះ​លោកបានធ្វើឲ្យទស្សនិកជនភ្ញាក់ផ្អើល តាមរយ:ស្នាដៃរបស់លោកតែម្តង ដោយឈ្មោះក្នុងបទចម្រៀងនោះ គឺសុទ្ធតែ​ដឹកនាំ និពន្ធទំនុកច្រៀង និងនិពន្ធបទភ្លេង​ថ្មីដោយលោក តែម្តង​។​

ថ្លែងតាមឆាត​ជាមួយ Post News នៅល្ងាចថ្ងៃពុធទី៤ ខែមករា ឆ្នាំ​២០១៦ ​លោក ម៉េង ប៊ុនឡូ បានឲ្យដឹងថាបទចម្រៀង «ប្អូនធម៌លួចចិត្ត» ដែលច្រៀងដោយ ប៊ុន ហុក ក្នុងផលិតកម្ម BBL នេះគឺលោកបានធ្វើជាងមួយឆ្នាំហើយ តែ​ប្រើរយ:ពេលផលិតតែ ២ខែ​តែប៉ុណ្ណោះ ។ លោកថា បទនេះលោកគ្រាន់តែ​ចេញ​សាកល្បងតែប៉ុណ្ណោះ ដោយមិនបានចំណាយអ្វី ច្រើននោះទេ គឺក្រុមលោក​បានចូលរួមផលិត ដើម្បីចូលរួមលើកស្ទួយវប្បធម៌សិល្ប:តែប៉ុណ្ណោះ​។​

លោក ម៉េង ប៊ុនឡូ បានអះអាងថា បទចម្រៀង Original Song លោកបានធ្វើយូរហើយ តាំងពីផលិតកម្មរ៉កគាត់​ធ្វើដំបូងមកម្លេះ ហើយបន្ទាប់មកលោកក៏ធ្វើស្រករគ្នាដែរ ដោយបទទាំង​នោះ លោកបានយកទៅចេញលក់នៅស្រុកបារាំង ហើយលោកមានបទជាច្រើនទៀតដែលមិនទាន់ចេញ តែលោកកំពុងស្វះស្វែងរកដៃគូសហការ ដើម្បីចេញបទ​និពន្ធថ្មីទាំងនោះវិញ ៕

ទស្សនាវីដេអូឃ្លិបដូចខាងក្រោមនេះ៖