Post News Media ព័ត៌មានកីឡា Dele Alli ​បញ...

Dele Alli ​បញ្ចប់​កំណត់ត្រា​មិន​ចាញ់​របស់ Chelsea ​ត្រឹម​នេះ​ហើយ

ចែកចាយបន្ត

ក្រុមTottenham ​បាន​យក​ឈ្នះ​ក្រុម​ខ្លាំង​មិន​ចាញ់​ប៉ុន្មាន​ប្រកួត​មក​នេះ Chelsea ​ក្នុង​លទ្ធផល ២-០ ​កាល​ពី​យប់មិញ ដើម្បី​ធ្វើ​ឱ្យ​ការ​ប្រជែង​យក​ពាន​រង្វាន់​នៅ​អង់គ្លេស​កាន់​តែ​ស្វិតស្វាញ។

Chelsea ​ក្រុម​កំពូល​តារាង​មាន​ឱកាស​ច្រើន​ដែរ​កាល​ពី​យប់មិញ ​ប៉ុន្តែ​ហាក់​ធ្វើ​មិន​បាន​សម្រេច​នោះ​ទេ ដូចជា​បាល់​តែត​របស់ Hazard ​នៅ​មុខ​ទី​ជា​ដើម។ ​ខណ:​ដែល​ខាង​ម្ចាស់​ផ្ទះ Spurs ​វិញ ​ដូចជា​លេង​ដោយ​ទំនុក​ចិត្ត​ខ្ពស់ ​ដោយ​ម្នាក់​ៗ​បោះ​បាល់​ឱ្យ​គ្នា​ច្បាស់។ រហូត​ដល់​នាទី​៤៥ ​ខ្សែ​បម្រើ​ប្រយុទ្ធ Alli ​ជា​អ្នក​រក​គ្រាប់​បាល់​បាន​មុន ​ដោយ​ក្រុម​ Spurs ​នាំ​មុខ​បណ្ដោះអាសន្ន។

យ៉ាងណាមិញ ​១​គ្រាប់​នេះ​មិន​មែន​នាំ​មុខ​បណ្ដោះអាសន្ន​ហើយ​ក្រុម Chelsea ​អាច​តាម​បាន​ស្មើ​នោះ​ទេ ​ពោល​គឺ​ត្រឹម​តែ​នាទី​៥៤​ប៉ុណ្ណោះ​កីឡាករ​ដដែល​ខាង​លើ​នេះ​ជា​អ្នក​រក​បាន​១​គ្រាប់​បន្ថែម​ទៀត។ ​ចប់​ការ​ប្រកួត​សប្ដាហ៍​ទី​២០ ​ក្រុម Spurs ​ឈ្នះ Chelsea ​ក្នុង​លទ្ធផល ២-០។

៣​ពិន្ទុ​យប់មិញ ​បាន​ធ្វើ​ឱ្យ Spurs ​ហក់​ឡើង​ទៅ​លេខ​៣​វិញ ដោយ​មាន​៤២​ពិន្ទុ ​នៅ​ក្រោយ​ក្រុម​លេខ​២ Liverpool ​មាន​៤៤​ពិន្ទុ ​និង​ក្រុម​លេខ​១ Chelsea ​មាន​៤៩​ពិន្ទុ៕