Post News Media ព័ត៌មានសិល្បៈ និងកម្សាន្ត ម៉េង កែវពេជ្ជ...

ម៉េង កែវពេជ្ជតា ច្រានចោលដំណឹង​ស្នេហ៍ជាមួយលោក រ័ត្ន មករា

ចែកចាយបន្ត

នៅល្ងាចថ្ងៃទី២៦ ខែមីនា ឆ្នាំ​២០១៧ អ្នកនាង​ម៉េង កែវពេជ្ជតា បានធ្វើការច្រានចោលនូវព័ត៌មានចរចាមអារ៉ាម ដែលនិយាយពីមួយទៅមួយ រឿងដែលថាលោក​រ័ត្ន មករា មានសម្ព័ន្ធភាពស្នេហា​ជាមួយអ្នកនាង​។​
អ្នកនាងបានសរសេរប្រកាសនៅលើគណនីហ្វេសប៊ុក​ ដែមានខ្លឹមសារ​ដូចខាងក្រោមនេះ៖
មើលមុខឲ្យច្បាស់ ! មនុស្សខ្ញុំហ៊ានធ្វើ​ ហ៊ានទទួល​ ។ តាមភាសារអ្នកលេង​និយាយថា ហ៊ានស៊ី​ គឺហ៊ានសង​ សមជាចិត្តកូនម៉ែ​ !
យ៉ាងណាមិញ​ រឿងដែលថា​ រ័ត្ន​ មករា មានសម្ព័ន្ធភាពស្នេហាជាមួយខ្ញុំនោះ​ បើជារឿងពិតមែន​ ខ្ញុំក៍មិនខ្លាចនឹងទទួលដែរ​ ប៉ុន្តែនេះវាគ្មានទាល់តែសោះ​ ។

ដូច្នេះសូមម្នាលទាំងឡាយដែលបានយករឿងនេះទៅនិយាយឲ្យក្អែក​ មួយក្លាយជាដប់នោះ​ ល្មមសំរាកបានហើយ​ កុំយកខ្ញុំទៅលេងសើចទៀតបើមិនចង់មានរឿង​ ។
សូមអធ្យាស្រ័យផងបងប្អូន​ ដែលខ្ញុំយកអារម្មណ៍មិនសប្បាយចិត្តមកបញ្ចេញនៅទីនេះ​ ក៍សូមអ​ធ្យាស្រ័យ​ ម្ចាស់ខ្លួនដែលខ្ញុំយកឈ្មោះលោកមកនិយាយ​ ប៉ុន្តែនេះក៍ព្រោះតែលោកមិនព្រមបកស្រាយតាមការពិត​ទេ​ តែលោក​ហាក់​មានចេតនាចាក់បណ្តោយ​ឲ្យគេកាន់តែយល់ខុសលើខ្ញុំលើសដើម​ ​ ។
អ្នកនាងបានបន្តសរសេរថា មិនតែប៉ុណ្ណឹង​ លោកបែរជាដើរនិយាយមុសារប្រាប់ពីម្នាក់ទៅម្នាក់​ធ្វើឲ្យគេសើចយំខ្ញុំ ឲ្យគេមើលងាយខ្ញុំម្តងហើយម្តងទៀត​ ដោយលោក​មិនខ្វល់ពីកិត្តយសស្ត្រីម្នាក់ក្នុងនាមជារៀមច្បងលោក​ ជាអ្នកធ្លាប់ផ្តល់តម្លៃឲ្យលោក​បន្តិចសោះ​ ខ្ញុំបានទុកពេលឲ្យលោកជម្រះភាពអាប់ឱននេះជាយូរណាស់មកហើយ​ តែលោកនៅតែធ្វើមិនដឹងមិនឮ​ ផ្ទុយទៅវិញលោក​បែរជាកាន់តែថែមគ្រឿងថែមល្បោយបន្តរហូតមិនឈប់​ដូចឃើញលើរូបភាព​នេះស្រាប់​ ។​

អ្នកនាងម៉េង កែវពេជ្ជតា បានសរសេរបន្ថែមទៀតថា បើដូច្នេះ​ ខ្ញុំគ្មានជំរើសទេ​ ខ្ញុំមិនអាចឲ្យឱកាសទៅនណាទៀតទេ​ ខ្ញុំមិនអាចគិតតែពីទុកមុខ​ ទុកកិត្តយសឲ្យលោក​ទាំងលោក​មិនដែលគិតពីកិត្តយសខ្ញុំនោះឡើយ​ ! ! ។ សូមលោកឈប់ចាប់ពីពេលនេះ​ ម៉ោងនេះ​ ថ្ងៃនេះ​ បើនៅចង់រាប់អាន​ តែបើលោកមិនព្រមឈប់បំផ្លាញខ្ញុំទេ​ ចង់ដឹង​ សាកមើលក៍បាន​ ព្រោះថាមិនមែនតែខ្ញុំម្នាក់​ គឺនៅមានមនុស្សជាច្រើនទៀតដែលកំពុងមិនសប្បាយចិត្តនឹងលោក​ ។

ចុងបញ្ចប់​ ខ្ញុំចង់ប្រាប់ទៅម្នាលចូលចិត្តស៊ីត្រាវបង្កាច់បង្ខូចខ្ញុំទាំងស្រីទាំងប្រុសទាំងនោះថា​ សមត្ថភាពប៉ុនខ្ញុំ​ មិនពិបាករកប្តីល្អខ្ពង់ខ្ពស់ជាងនេះនោះទេ​ គ្រាន់តែមិនចង់ប៉ុណ្ណោះ​ មិនដូចនាងៗ ចូលចិត្តស៊ី​ ស៊ីមិនរើសមុខ​ ស៊ីមិនមើលស្បែក​ខ្លួនឯងស៊ីមិនគិតពីសុខភាពខ្លួនឯង​ សូមអស់យោបល់មួយស្របក់សិន​ បើអ្នកណាចង់តវ៉ា​ សូមចេញមុខ​ ចេញឈ្មោះ​ ឲ្យច្បាស់មក​ ខ្ញុំស្វាគមន៍​ តែកុំពាក់មុខ​ បិទម៉ាស់មកនិយាយ​ បើមិនដូច្នេះទេ​ មតិរបស់អ្នកយើងចាត់ទុកជាលាមក​ ​ សាយ័ន្តសួស្តី៕