Post News Media ព័ត៌មានសិល្បៈ និងកម្សាន្ត យីង លី អស់កម្...

យីង លី អស់កម្លាំងចិត្តមិនអាចព្យាបាលជំងឺហើមមុខ ហើមខ្លួន

ចែកចាយបន្ត

កំពូលតារាចម្រៀងកន្ដ្រាក់អារម្មណ៍បែបស្រុកស្រែ គឺតារាចម្រៀងស្រី យីង លី ដែលជាតារាចម្រៀងល្បីប្រចាំផលិតកម្ម GMM Gold កំពុងបាក់ទឹកចិត្តយ៉ាងខ្លាំង ក្នុងការព្យាបាលជំងឺហើមខ្លួន ហើមមុខ ដែលរហូតមកដល់ពេលនៅតែព្យាបាលមិនទាន់ជាសះស្បើយ ហើយអវ:យវ:ដៃជើង ក៏កាន់តែទន់ខ្សោយគ្មានកម្លាំងសាច់ដុំឡើយ ។

តាមរយ:សារព័ត៌មាន kapook នៅថ្ងៃទី ២៧ ខែមេសា ឆ្នាំ២០១៧ បានឲ្យដឹងថា អាការ:ជំងឺតារាស្រីខាងលើ គឺជាអាការ:មួយដ៏កំពុងព្រួយបារម្ភខ្លាំង គ្រូពេទ្យជំនាញបានខិតខំព្យាបាលរូបនាង ដោយប្រើរយ:ពេលជាច្រើនថ្ងៃហើយ តែភាពប្រសើរឡើងវិញ គឺមានសង្ឃឹមតិចតួចបំផុត ។ តារាស្រីល្បីឈ្មោះម្នាក់នេះ នៅតែតាំងចិត្ត ហើយប្រឹងទប់ជំហរខ្លួន ទាំងពោលពាក្យមួយចំនួនប្រាប់អ្នកសារព័ត៌មានថៃថា ” នាងខ្ញុំមានអារម្មណ៍ព្រឺរសម្បុរ នឹងមិនទុកចិត្តចំពោះរាងកាយខ្លួនឯងឡើយ វាមិនអាចដូចដើមសោះក្រោយការព្យាបាល នៅវេលានេះ​ ក៏នៅតែត្រូវការអ្នកជួយអាសារ ជួយទាញនាងខ្ញុំក្រោកឡើង នឹង ត្រូវជួយត្រកងនាងខ្ញុំដើរផងដែរ ។

សូមជម្រាបបន្ថែមថាតារាស្រីវ័យ ៣៤ ឆ្នាំរូបនេះ បានបន្ដប្រាប់ពីអាការ:ជំងឺទៀតថា ” នៅពេលនេះ នាងខ្ញុំព្យាយាមញ៉ាំច្រើន ដើម្បីឲ្យសាច់ដុំដៃជើងមានកម្លាំងខ្លាំងឡើង នៅពេលដែលឈឺនេះ គឺល្ហិតល្ហៃណាស់ សូម្បីភ្នែកក៏ហើម ទាញខ្លាំងណាស់ គឺត្រូវប្រើពេលវេលាយ៉ាងយូរទៀតក្នុងការព្យាបាល នឹងត្រូវរង់ចាំការវះកាត់ ហើយក៏សង្ឃឹមថា អាចព្យាបាលខ្លួនបានជាសះស្បើយដូចដើម ” ៕