Post News Media ព័ត៌មានជាតិ ភ្លៀងខ្យល់ប៉ុ...

ភ្លៀងខ្យល់ប៉ុន្មានថ្ងៃមុនសោះ បែរជារលំដួលពេលស្ងប់ស្ងាត់ទៅវិញ លោះព្រលឹងអស់!

ចែកចាយបន្ត

ភ្នំពេញ: ដើមឈើដ៏ធំ១ដើម បានបាក់រលំមកលើផ្លូវកម្ពុជាក្រោម ទាំងកណ្តាលយប់ សំណាងដែលការបាក់រលំដើមឈើនេះ មិនបាក់រលំលើ រថយន្តឬម៉ូតូដែលកំពុងធ្វើដំណើរ បើមិនដូច្នោះមិនដឹងជាម៉េចនោះណាទេ។

ហេតុការណ៍នេះបានកើតឡើងនៅវេលាម៉ោង១២និង៣០ យប់ឈានចូលថ្ងែទី២៧ ខែមេសា ឆ្នាំ២០១៧ ស្ថិតនៅតាមបណ្តោយផ្លូវកម្ពុជាក្រោម ក្បែរសម្ភពបញ្ញា ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុបានឲ្យដឹងថា នៅពេលដែលមានខ្យល់ខ្លាំងកាលពីមានភ្លៀងធ្លាក់កាលភ្លៀងធ្លាក់កាលពីប៉ុន្មានថ្ងៃមុន ស្រាប់តែមិនដឹងយ៉ាងម៉េចយប់ថ្ងៃកើតហេតុនេះ ក៏ដើមឈើ១ដើមនេះ ក៏បាក់រលំនៅលើផ្លូវកាត់ទទឹងផ្លូវ ពាក់កណ្តាលមិនអាចធ្វើដំណើរបានបែបនេះទៅវិញ សំណាងហើយមិនបណ្តាលឲ្យមានមនុស្សរងរបួស។

ប្រជាពលរដ្ឋនៅម្តុំបាននិយាយថា អាជ្ញាធរសង្កាត់មិត្តភាព ក៏ដូចជាថ្នាក់ខណ្ឌ៧មករា ហាក់ដូចជាមិនសូវយកចិត្តទុកដាក់រឿងបាក់រលំដើមឈើទទឹងផ្លូវនេះឡើយ ឬតែបើរង់ចាំព្រឹកឡើងទើបកាប់ចេញនោះ គឺអាចនិងស្ទះចរាចរណ៍ណាស់ ដោយសារដើមឈើបាក់បិតផ្លូវមួយចំហៀងតែម្តង ហើយណាមួយយប់ចឹងស្រួលធ្វើការ ដោយមិនសូវមានអ្នកធ្វើដំណើរច្រើន៕