Post News Media ព័ត៌មានសិល្បៈ និងកម្សាន្ត ក្រោយខួបកំណើត...

ក្រោយខួបកំណើត ឆន សុវណ្ណរាជ ឈឺជាកញ្ចប់

ចែកចាយបន្ត

ផ្អែកតាមការបង្ហោះរបស់លោកឆន សុវណ្ណរាជ លោកបានអះអាងថាលោកបានធ្លាក់ខួនដល់ថ្នាក់មិនអាចទទួលការងារសិល្ប:បាននោះទេ ដោយសារតែជំងឺដែលមកយាយីគឺមកជាកញ្ចប់ដែលមានន័យថាអស់ពីមួយទៅមួយដោយសារតែលោកប្រឹងធ្វើការហាលភ្លៀងហាលខ្យល់នាពេលកន្លងមក។ នេះជាសភាពដ៏អាក្រក់មួយដែលអ្នកគាំទ្របានឃើញបន្ទាប់ពីលោកទើបតែសើចសប្បាយក្នុងព្រឹត្តិការណ៍កម្រាលព្រំក្រហមនៅសាកលវិទ្យាល័យន័រតុនរបស់គ្រួសារតារាកម្ពុជា និងទើបតែមានស្នាមញញឹមក្នុងថ្ងៃខួបកំណើតកាលពីថ្ងៃទី៣ តុលា។

ឆន សុវណ្ណរាជ បានអះអាងថាលោកមានជំងឺផ្ដាសាយធ្វើទុក្ខប៉ុន្មានថ្ងៃមកហើយ ប៉ុន្តែសភាពធ្ងន់ធ្ងរដល់ថ្នាក់ឲ្យលោកចេញទៅណាមិនកើត និងផ្អាកទទួលការងារគឺទើបតែនៅយប់ថ្ងៃទី៤ តុលា ដោយលោកបញ្ជាក់ថាជំងឺផ្ដាសាយធ្វើទុក្ខជាកញ្ចប់តែម្ដង ដែលសឹងនឹងធ្វើឲ្យលោកទ្រាំមិនបាន។ មកទល់ម៉ោងនេះនៅមិនទាន់ដឹងថាសភាពជំងឺរបស់លោកមានសភាពធូរស្រាលកម្រិតណានោះទេ ប៉ុន្តែយោងតាមការបង្ហោះចុងក្រោយគឺលោកមានសភាពក្ដៅខ្លួន ក្ដៅក្បាល មានទឹកមុខស្លេកស្លាំង និងមានសភាពក្រហមច្រមុះដោយសារតែសភាពហៀរសំបោរធ្វើទុក្ខផង។

យ៉ាងណាមិញ លោកបានទទូចឲ្យអ្នកគាំទ្រប្រុងប្រយ័ត្នសុខភាព ដោយលោកបញ្ជាក់ថានេះជារដូវភ្លៀងសូមថែរក្សាសុខភាពផង ដើម្បីកុំឲ្យជំងឺធ្វើទុក្ខជាកញ្ចប់ដូចលោក៕