Post News Media ព័ត៌មានកីឡា អាហ្សង់ទីន និ...

អាហ្សង់ទីន និងប៉េរ៉ូ ត្រៀមស៊ីសាច់ហុតឈាមគ្នា

ចែកចាយបន្ត

ក្រុមជម្រើសជាតិអាហ្សង់ទីន និងក្រុមជម្រើសជាតិប៉េរ៉ូ​ នឹងត្រូវប៉ះគ្នា ក្នុងការប្រកួតជម្រុះ FIFA World Cup ថ្ងៃស្អែកនេះ ដែលក្រុមទាំង២ សុទ្ធសឹងត្រូវការឈ្នះដើម្បី ធានាកៅអីឡើងទៅកាន់វគ្គចែកពូលឆ្នាំក្រោយ។

មកទល់ពេលនេះ អាហ្សង់ទីនមិនទាន់ទទួលបាន នូវកៅអី​សុវត្ថិភាពនៅឡើយទេ សម្រាប់ការឡើងទៅកាន់ការប្រកួតដ៍ធំ​នាឆ្នាំក្រោយនេះ។ ជាក់ស្តែងណាស់ អាហ្សង់ទីនត្រូវបើកទ្វារទទួលក្រុម ប៉េរ៉ូ ដែលកំពុងឈរលេខ៤ក្នុងតារាង ខណ:អាហ្សង់ទីនឈរលេខ៥ ដោយក្រុមទាំង២ មានពិន្ទុស្មើគ្នា។ អាហ្សង់ទីន ត្រូវការឈ្នះចាំបាច់បំផុត​ ព្រោះថា ក្រុមរងជើងឯក World Cup កាលពីឆ្នាំ ២០១៤កន្លងទៅនេាះ មិនអាចអវត្តមាន ពីព្រឹត្តិការណ៍ដ៍​សំខាន់នេះបានឡើយ​ ដោយសារតែកីឡាករឆ្នើមៗជាច្រើនកំពុងមានវត្តមាននៅ​ទីនេះ។ យ៉ាងណាវិញសម្រាប់ ប៉េរ៉ូមិនមែនជាក្រុមអន់ឡើយ ពួកគេចង់ឡើងទៅលេងវគ្គចែកពូល World Cup ដូចគ្នា ព្រោះប៉េរ៉ូខកខានឡើងលេងព្រឹត្តិការណ៍នេះជាយូរណាស់មកហើយ ដែលទាមទារឲ្យពួកគេត្រូវខិតខំដើម្បីបានលេង ក្នុងព្រឹត្តិការណ៍ដ៍សំខាន់នេះ។

គួរបញ្ជាក់ផងដែថា ចាប់ពីក្រុមលេខ២មកដកប្រេស៊ីលចេញ អ៊ុយរ៉ាហ្គាយ មាន ២៧ពិន្ទុ ឈរលេខ២, កូឡុំប៊ី មាន ២៦ពិន្ទុ ឈរលេខ៣, ប៉េរ៉ូ មាន២៤ពិន្ទុឈរលេខ៤, អាហ្សង់ទីន មាន២៤ពិន្ទុឈរលេខ៥ និងឈីលី មាន ២៣ពិន្ទុឈរលេខ ៦ ដែលក្រុមទាំង ៥នេះត្រូវប្រជែងគ្នា​យ៉ាងខ្លាំង ដើម្បីឡើងទៅកាន់វគ្គចែកពូល ដែល ៤ក្រុម ឡើងទៅកាន់វគ្គចែកពូល និង១ក្រុម​លេង Play off ជាមួយក្រុម នៅងអាមេរិកខាងជើង។ ដូច្នេះហើយ ជំនួបរវាង អាហ្សង់ទីន និង​ ប៉េរ៉ូ គឺជាជំនួបសំខាន់ជាងគេ ខណ:ក្រុមខ្លាំងផ្សេងៗ ប៉ះក្រុមមធ្យមៗ ដែលតម្រូវឲ្យក្រុម​​ទាំង២​ ត្រូវខិតខំប្រឹងប្រែងរៀងៗខ្លួន។ សូមរំលឹកផងដែរថា កាលពីលេងក្នុងដី ប៉េរ៉ូ ក្រុមទាំង២​ បញ្ចប់ក្នុងលទ្ធផល ២-២។

ដូច្នេះហើយរង់ចាំមើលថា តើក្រុមជម្រើសជាតិអាហ្សង់ទីន ដែលសម្បូរទៅដោយ Super Star ឆ្នើមៗ និងមានតម្លៃខ្លួន​ថ្លៃក្នុងពិភពលោក អាចយកឈ្នះក្រុមប៉េរ៉ូ បានដែរឬទេ ដើម្បីបន្តក្តីស្រម៉ៃកក់កៅអីទៅកាន់វគ្គ ចែកពូល FIFA World Cup ២០១៨ ក្នុងប្រទេសរុស្ស៊ី។