Post News Media ព័ត៌មានសិល្បៈ និងកម្សាន្ត ផ្អើលដំណឹង! ...

ផ្អើលដំណឹង! ឪពុក ណូ ឈួស៊ីវហេង ជាបុរសពោះម៉ាយផ្កាយ៣ និងជាគូដណ្ដឹង សុគន្ធ និសា

ចែកចាយបន្ត

ក្នុងចំណោមកូនក្រុមរបស់Coach សុគន្ធ និសា គឺមានកុមារី ណូ ឈួស៊ីវហេង ប៉ុណ្ណោះដែលត្រូវបានសុគន្ធ និសា ជួយសង្គ្រោះដល់ទៅ២ដង ដោយក្នុងវគ្គច្រៀងជាក្រុមលើសង្វៀនក៏សុគន្ធ និសា ជ្រើសយក ហើយក្នុងវគ្គពាក់កណ្ដាលផ្ដាច់ព្រ័ត្រក៏សុគន្ធ និសា ជ្រើសយក។

មកទល់ពេលនេះមានការទម្លាយថាហេតុផលដែលនាងត្រូវបាន សុគន្ធ និសា ជួយសង្គ្រោះឲ្យនាងបានទៅដល់វគ្គផ្ដាច់ព្រ័ត្រ គឺដោយសារតែឪពុករបស់នាងគឺបុរសពោះម៉ាយផ្កាយ៣ និងជាគូដណ្ដឹងរបស់សុគន្ធ និសា ដែលត្រៀមរៀបការជាមួយគ្នានោះ។

អ្នកលេងហ្វេសប៊ុកមួយរូបដែលប្រើឈ្មោះគណនីយរបស់ខ្លួនថា Lam Thavary បានបង្ហោះពីមូលហេតុពីក្រោយខ្នង ដែលធ្វើឲ្យកុមារី ណូ ឈួស៊ីវហេង បានជាប់ទៅដល់វគ្គផ្ដាច់ព្រ័ត្រថា កុមារីរូបនេះ មានឪពុកជាមន្ត្រីផ្កាយ៣នៅក្រសួងមហាផ្ទៃ ដែលឪពុករបស់នាងក៏ជាមិត្តភក្តិរបស់លោកព្រាប សុវត្ថិ និងជាគូដណ្ដឹងរបស់តារាចម្រៀង សុគន្ធ និសា ។ ប្រភពផ្សេងមួយទៀតក៏បានទម្លាយផង សុគន្ធ និសា មានគូដណ្ដឹងមិនបើកចំហរជាមន្ត្រីផ្កាយ៣ជាពោះម៉ាយ និងជាបុរសអណិកជននៅក្រៅប្រទេសផងដែរ ដោយនាង និងបុរសម្នាក់នេះមានគម្រោងដឹកដៃគ្នាចូលរោងការនៅអំឡុងខែ១២ចុងឆ្នាំនេះ ប៉ុន្តែគេមិនដឹងថាបុរសដែលអ្នកលេងហ្វេសប៊ុកម្នាក់នោះលើកឡើងថាជាឪពុករបស់ណូ ឈួស៊ីវហេង ពិតជាបុរសតែម្នាក់ដែលគេផ្សាយថាជាគូដណ្ដឹងរបស់នាង ឬមិនមែននោះទេ ក្នុងពេលដែលព័ត៌មាននេះមិនមានការបកស្រាយពីភាគីសុគន្ធ និសា ទាល់តែសោះ។

ស្របគ្នានឹងការលើកឡើងនៅពេលត្រលប់ទៅមើលវីដេអូជីវប្រវត្តិរបស់ណូ ឈួស៊ីវហេង គេកត់សម្គាល់ថានាងជាបេក្ខនារីតែម្នាក់គត់ដែលអត់មានរៀបរាប់ពីជីវប្រវត្តិទាល់តែសោះ ដោយសូម្បីតែមុខឪពុកក៏មិនបង្ហាញ មុខម្ដាយក៏មិនបង្ហាញ ហើយអ្នកអមដំណើរនាងមកប្រឡងក្នុងវគ្គដំបូងរបស់កម្មវិធី គឺបែរជាគ្រូម្នាក់ ដែលមិនមានសមាជិកគ្រួសារទៅវិញ។ ជីវប្រវត្តិរបស់ណូ ឈួស៊ីវហេង ហាក់ត្រូវបានគេបំបិទ ទើបធ្វើឲ្យមានការបង្ហោះថាឪពុកនាងជាមន្ត្រីផ្កាយ៣ នៅក្រសួងមហាផ្ទៃ ជាមិត្តភក្តិរបស់លោកព្រាប សុវត្ថិ និងជាគូដណ្ដឹងរបស់សុគន្ធ និសា ហាក់មានអ្នកជឿជាក់ ដោយសារតែក្នុងថ្ងៃខួបកំណើតរបស់ណូ ឈួស៊ីហេង គេឃើញលោកព្រាប សុវត្ថិ និងសុគន្ធ និសា ចូលរូម ហើយក្រឡេកទៅមើលសុគន្ធ និសា វិញ ក៏តាមសង្គ្រោះឲ្យនាងបានជាប់រហូត ដោយរាល់ពេលប្រឡងជម្រុះម្ដងៗ នាងមិនបានទទួលសំឡេងគាំទ្រឲ្យជាប់នោះទេ។

នៅលើបណ្ដាញហ្វេសប៊ុក មានខ្លះជឿជាក់ មានខ្លះមិនជឿ ប៉ុន្តែម្នាក់ហាក់ជឿជាក់នឹងការបង្ហោះនោះច្រើនឡើង ដោយសារតែក្នុងវីដេអូពីដើមទីរបស់ណូ ឈួស៊ីវហេង អត់មានបង្ហាញពីជីវប្រវត្តិដូចគ្នានឹងបេក្ខជន បេក្ខនារីផ្សេងទៀត ដែលក្នុងវីដេអូឃ្លីបមានវីដេអូរៀបរាប់ពីទឹកចិត្តឪពុកម្ដាយ និងបានទាំងប្រាប់ពីមូលហេតុថាហេតុអ្វីឪពុកម្ដាយមកគាំទ្រជាដើម។
ម្យ៉ាងក្នុងផ្ទះរបស់កុមារី ណូ ឈួស៊ីវហេងក៏មានស្ថានភាពរស់នៅបញ្ជាក់ថាកូនអ្នកមានផងដែរ ទើបដំណឹងថាឪពុករបស់នាង ជាមន្ត្រីផ្កាយ៣ និងមានទំនាក់ទំនងជិតស្និទ្ធិជាមួយសុគន្ធ និសា ហើយអាចមកពីឪពុកម្ដាយនាងបែកបាក់គ្នា និងមិនចង់បង្ហាញមុខ ធ្វើឲ្យគេជឿជាក់។

យ៉ាងណាក៏ដោយ នៅមិនទាន់ដឹងអ្វីដែលបានទម្លាយឡើងនៅលើហ្វេសប៊ុកតើមានការពិត ឬយ៉ាងណានៅឡើយទេ ក្នុងពេលដែលសុគន្ធ និសា មិនព្រមចេញមុខបកស្រាយបែបនេះ៕