Post News Media ព័ត៌មានជាតិ ទឹកក្នុងអាងទឹ...

ទឹកក្នុងអាងទឹកតាម៉ុក បន្តកើនឡើងលើសកម្រិតប្រកាសការប្រុងប្រយត្ន័!

ចែកចាយបន្ត

ឧត្តរមានជ័យ: យោងតាមផេក ក្រសួងធនធានទឹក និងឧតុនិយម បានឲ្យដឹងថា ទឹកក្នុងអាងទឹកតាម៉ុក ស្ថិតក្នុងឃុំអន្លង់វែង ស្រុកអន្លង់វែង បានកើនឡើងដល់កំពស់ ៣,៥៦ ម៉ែត្រ នាព្រឹកថ្ងៃទី ១១ ខែតុលា ឆ្នាំ ២០១៧ នេះបន្ទាប់ពីទទួលបានបរិមាណទឹកយ៉ាងច្រើនពីតំបន់ផ្ទៃរងទឹកភ្លៀងរបស់ខ្លួនជាបន្តបន្ទាប់។

សូមបញ្ជាក់ផងដែរថា កម្ពស់ទឹកដែលត្រូវប្រកាសឲ្យប្រុងប្រយ័ត្ននៅអាងទឹកតាម៉ុក មានកម្រិត ៣,៥០ ម៉ែត្រ ។ ទឹកដែលបានកើនឡើងលើសកម្រិតប្រកាសឲ្យប្រុងប្រយ័ត្ននេះ ពុំបានបង្កឲ្យមានការជន់លិច ឬផលប៉ះពាល់នោះទេ៕