Post News Media ព័ត៌មានសិល្បៈ និងកម្សាន្ត រូបស្រាតរបស់ ...

រូបស្រាតរបស់ ហង្ស អច្ឆរិយា កាន់តែកម្រើកពិភពសិល្ប:

ចែកចាយបន្ត

ភ្នំពេញ: ដ្បិតតែតារាសម្ដែងលោក ហង្ស អច្ឆរិយា ទទួលបានការសម្ដែងទាំងរឿងនៅក្នុងប្រទេសថៃ និងក្នុងស្រុកច្រើនឡើងជាងមុន ប៉ុន្តែសកម្មភាពសិល្ប:របស់លោកហាក់មិនសូវដុតកម្តៅមហាជនឲ្យចាប់អារម្មណ៍ស្មើនឹងរូបអាក្រាតកាយរបស់លោកនោះឡើយ។ រូបស្រាតរបស់លោក ត្រូវគេឃើញកន្ទ្រាក់មហាជនពេញបណ្ដាញហ្វេសប៊ុក ជាពិសេសគឺការរិះគន់ និងការសរសើរថាលោកជាតារាចិត្តសឿងហ៊ានថតរូបភាពអាក្រាតកាយខុសពីតារាភាគច្រើន។

តារាដែលបានជាប់លេខស៊ិចស៊ីដោយមិនខ្វល់ពីការរិះគន់រូបនេះ បានប្រាប់ Post News ថា ដោយសាររូបអាក្រាតកាយរបស់លោក ទើបជំរុញឲ្យទីផ្សាររបស់ខ្លួនមានការប្រែប្រួល។ លោកថាកាលពីមុន លោកគ្រាន់តែជាតារាយ៉ាងសាមញ្ញនៅដោយសារតែការសម្ដែងក៏មិនសូវលេចធ្លោ ប៉ុន្តែរយ:ពេលចុងក្រោយលោកថាក្រៅពីថតស្ពតខ្លោស្លីបក្នុងតម្លៃខ្លួនខ្ពស់ឲ្យផលិតផលបរទេស លោកក៏ត្រូវបានផលិតករថៃទាក់ទងឲ្យថតឈុតលើគ្រែក្នុងភាពយន្តខ្នាតធំដោយតម្លៃខ្ពស់ និងបានទទួលតំណែងជាតួឯកក្នុងភាពយន្តក្នុងស្រុករហូតដល់ចំនួន៥នៅខែតុលាក្នុងឆ្នាំ២០១៦នេះ។

លោកថាការកម្រើកឡើងនៃរូបភាពអាក្រាត ជាចលករជួយឲ្យលោកឈានឡើង និងមានទីផ្សារសិល្ប:។ យ៉ាងណាមិញ លោកថាសកម្មភាពថតរូបអាក្រាតដែលបានបង្ហោះឡើង មិនមែនជាចេតនាព្រោះតែចង់ល្បីនោះទេ គឺជាសកម្មភាពដែលមានផលិតករបរទេសជួយឲ្យលោកផ្សព្វផ្សាយផលិតកររបស់គេ ដែលទទួលបានតម្លៃខ្លួនខ្ពស់ប៉ុណ្ណោះ បន្ទាប់ពីផលិតរបរទេសទាំងនោះឃើញថាលោកមានរូបរាងស៊ិចស៊ី។ លោកថារូបទាំងនោះជារូបសិល្ប: ហើយលោកក៏យល់ស្របចំពោះការរិះគន់ដែលធ្លាប់ផ្ទុះឡើងនាពេលកន្លងមកផងដែរ។ លោករំពឹងថាការទទួលឱកាសថតរឿងដែលទើបទទួលបាន នឹងជួយឲ្យលោកលេចធ្លោជំនួសឲ្យភាពរូបអាក្រាតដែលបានកម្រើកឡើង ខណ:ដែលលោកនៅតែប្រកាន់ជំហរហ៊ានថតស្រាត និងស៊ិចស៊ីក្នុងរឿង ដូចគ្នានឹងអ្វីដែលលោកធ្លាប់ថតឲ្យផលិតករបរទេសនាពេលមុន ក្នុងភាពយន្តខ្មែរ។

គួរបញ្ជាក់ថា រូបអាក្រាតរបស់ លោកហង្ស អច្ឆរិយា ត្រូវគេកត់សម្គាល់ថាមានការកំរើកខ្លាំងនៅលើបណ្ដាញហ្វេសប៊ុក ខណ:ដែលការរិះគន់ និងការសរសើរពីភាពក្លាហានចំពោះតារារូបនេះដែលហ៊ានថតស្រាតត្រូវគេឃើញកំពុងក្លាយជាសំឡេងប្រទាញប្រទង់គ្នា៕

photo_2016-10-13_23-21-25

photo_2016-10-13_23-42-59

photo_2016-10-13_23-21-29

photo_2016-10-13_23-21-35

photo_2016-10-13_23-21-40

photo_2016-10-13_23-21-42

photo_2016-10-13_23-21-44

photo_2016-10-13_23-21-46

photo_2016-10-13_23-21-48

photo_2016-10-13_23-21-50

photo_2016-10-13_23-21-53

photo_2016-10-13_23-21-55

photo_2016-10-13_23-21-57

photo_2016-10-13_23-21-59

photo_2016-10-13_23-42-50

photo_2016-10-13_23-42-53