Post News Media ព័ត៌មានជាតិ ក្រុមចោរកាប់ប...

ក្រុមចោរកាប់ប្លន់យកម៉ូតូមួយគ្រឿងបានសម្រេចទាំងយប់

ចែកចាយបន្ត

ភ្នំពេញ: ចោរមួយក្រុមប្រដាប់ដោយកាំបិត បានធ្វើសកម្មភាពកាប់ទៅលើយុវជន៣នាក់ ប្លន់យកម៉ូតូមួយគ្រឿងបានសម្រេច គេចខ្លួនបាត់ដោយសុវត្ថិភាព បណ្តាលឲ្យរងរបួស ។ ហេតុការណ៍នេះបានកើតឡើងកាលពីវេលាម៉ោង ២និង១០ នាទីយប់ឈានចូល ថ្ងៃទី១៤ ខែតុលា ឆ្នាំ២០១៦នេះ ត្រង់ចំណុចក្បែរផ្សារទំនប់ទួលគោក ស្ថិតក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។

យោងតាមប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុ ពួកគេទាំង៣នាក់ បានជិះម៉ូតូមួយគ្រឿងម៉ាក Zoomer-X ពណ៌ ខ្មៅ បិទតែមក្រហម មិនចាំស្លាកលេខ ដោយបាននាំគ្នាជិះម៉ូតូទៅលេងនៅកោះពេជ្រ លុះដល់ពេលត្រឡប់មកវិញ ក៏ស្រាប់តែលេចមុខជនសង្ស័យមួយក្រុម មានគ្នា៣នាក់ជិះម៉ូតូ១គ្រឿង ប្រដាប់ដោយកាបិតសាម៉ូរ៉ៃ ហើយបានធ្វើសកម្មភាពដេញកាប់ ប្រហារជនរងគ្រោះ បណ្ដាលឲ្យត្រូវនិងរងរបួសអ្នកជិះខាងមុខ និងអ្នកអង្គុយកណ្ដាល ។ ដោយឃើញសភាពបែបនេះ រួមជាមួយការតក់ស្លុតផងនោះ ជនរងគ្រោះទាំង៣បានរត់គេចខ្លួនដើម្បីសុវត្ថិភាព ធ្វើឲ្យជនសង្ស័យមានឱកាស លើកយកម៉ូតូជនរងគ្រោះជិះគេចខ្លួនបាត់ស្រមោលតែម្តង។

ក្រោយពេលកើតហេតុ ជនរងគ្រោះដែលរងរបួស ត្រូវបានគេបញ្ជូនទៅកាន់មន្ទីរពេទ្យ ដើម្បីធ្វើការព្យាបាលរបួសស្នាម និងបានទៅដាក់ពាក្យបណ្ដឹង នៅប៉ុស្ដិ៍នគរបាលសង្កាត់ទួលសង្កែ ដើម្បីស្រាវជ្រាវឈានទៅរក ការចាប់ខ្លួនជនសង្ស័យមកផ្ដន្ទាទោសតាមច្បាប់៕

ប្លន់ម៉ូតូ

ប្លន់ម៉ូតូ

ប្លន់ម៉ូតូ

ប្លន់ម៉ូតូ

ប្លន់ម៉ូតូ

ចែកចាយបន្ត